Sjafruddin Prawiranegara
![]() | |||||||||||
Namo dalam bahaso usali | (id) Syafruddin Prawiranegara ![]() | ||||||||||
---|---|---|---|---|---|---|---|---|---|---|---|
Biografi | |||||||||||
Lahia | 28 Pebruari 1911 ![]() Karesidenan Banten (id) ![]() ![]() | ||||||||||
Kamatian | 15 Pebruari 1989 ![]() Daerah Kusuih Ibukota Jakarta ![]() | ||||||||||
6 September 1950 – 20 Maret 1951
20 Desember 1949 – 6 September 1950
19 Desember 1948 – 13 Juli 1949
19 Desember 1948 – 13 Juli 1949 Kabinet (id) ![]()
2 Oktober 1946 – 3 Juli 1947 ![]() | |||||||||||
Data pribadi | |||||||||||
Kalompok etnis | Urang Minangkabau ![]() | ||||||||||
Ideologi politik (id) ![]() | Sosialisme Islam (id) ![]() ![]() ![]() ![]() | ||||||||||
Agamo | Islam ![]() | ||||||||||
Kagiatan | |||||||||||
Karajo | Politikus, ekonom (id) ![]() ![]() | ||||||||||
Partai politik | Partai Masyumi (1945) ![]() | ||||||||||
Mr. Sjafruddin Prawiranegara, atau biaso pulo ditulih Syafruddin Prawiranegara (lahia di Serang, Banten, 28 Februari 1911 – maningga di Jakarta, 15 Februari 1989 pado umua 77 taun) adolah pajuang kamardekaan Indonesia. Syafruddin parnah manjabat sabagai Presiden/Katua PDRI (Pamarentahan Darurat Republik Indonesia) katiko pamarentahan Republik Indonesia di Yogyakarta jatuah ka tangan Balando dalam Agresi Militer Balando II pado tanggal 19 Desember 1948.[1] [2] Syafruddin Prawiranegara parnah pulo sakali manjabat wakil pardana mantari, sarato manjabat mantari sabanyak tigo kali, iyolah Mantari Kauangan, Mantari Pardagangan jo Mantari Partanian Republik Indonesia. Salain itu, Syafruddin adolah urang nan partamo manjabat Gubernur Bank Sentral Indonesia pado taun 1951.
Katiko manjabat Mantari Kauangan, karano kaadaan ekonomi nan kurang elok, Syafruddin mambuek kabijaksanaan moneter nan mambuek harago pitih manjadi tingga saparo. Kabijaksanaan nan dikarajoan dek Syafruddin tu dinamoan urang Guntiang Syafruddin.
Katiko paristiwa PRRI (peri-peri) nan tajadi di Sumatera pado taun 1958, Syafruddin manjadi pamimpin disitu, Syafruddin diangkek sabagai Presiden PRRI nan bapusek di Sumatera Tangah.
Karano katarlibatan baliau di PRRI, Syafruddin indak diagiah gala Pahlawan Nasional Indonesia dek pamarentah Indonesia. Baru di bawah pamarentahan Susilo Bambang Yudhoyono lah gala nan patuik baliau sandang tu diagiahan dek pamarentah.[3]
Pandidikan
[suntiang | suntiang sumber]Sjafruddin mamiliki namo ketel "Kuding", nan barasa dari kato "Udin" pado namo Sjafruddin. Inyo mampunyoi darah katurunan Banten dari pihak ayah jo Minangkabau dari pihak ibu.[4] Buyuiknyo dari pihak ibu, Sutan Alam Intan, masih katurunan rajo Pagaruyung di Sumatra Barat, nan dibuang ka Banten karena talibat Parang Paderi. Inyo manikah jo putri bangsawan Banten, malahiakan kakeknyo nan kamudian mamiliki anak banamo Raden Arsyad Prawiraatmadja. Ayah Syafruddin bakarajo sabagai jaksa, tapi cukuik dakek jo rakyat, karanonyo dibuang dek Balando ka Jawa Timur.
Syafruddin manampuah pandidikan ELS pado tahun 1925, dilanjuikkan ka MULO di Madiun pado tahun 1928, kamudian AMS di Bandung pado tahun 1931. Pandidikan tingginyo diambiaknyo di Rechtshoogeschool (Sekolah Tinggi Hukum) di Jakarta (kini Fakultas Hukum Universitas Indonesia) pado tahun 1939, sarato bahasia maraiah gala Meester in de Rechten (kini satara jo Magister Hukum).[5][3]
Pamarintah Darurat Republik Indonesia
[suntiang | suntiang sumber]Syafruddin adolah urang nan ditugaskan dek Soekarno jo Mohammad Hatta untuak mambantuak Pamarintahan Darurat Republik Indonesia (PDRI), katiko Presiden Soekarno jo Wakia Presiden Mohammad Hatta ditangkok pado Agresi Militer II, kamudian diasingkan dek Balando ka Pulau Bangka, pado tahun 1948. Hatta nan alah mangiro Soekarno jo inyo ka ditahan Balando sacapeknyo maagiah mandat ka Sjafruddin untuak malanjuikkan pamarintahan, supayo indak tajadi kakosongan kakuasaan.[2]
Dek usaho Pamarintah Darurat, Balando tapaso barundiang jo Indonesia. Pajanjian Roem-Royen mangakhiri upayo Balando, kamudian pado akhianyo Soekarno jo kawan-kawan dibebaskan jo baliak ka Yogyakarta. Pado tanggal 13 Juli 1949, diadokan sidang antaro PDRI jo Presiden Soekarno, Wakil Presiden Moh Hatta sarato sajumlah mantari kadua kabinet. Sarah tarimo pangambalian mandat dari PDRI sacara resmi tajadi pado tanggal 14 Juli 1949 di Jakarta.[2]
Jabatan pamarintahan
[suntiang | suntiang sumber]Syafruddin Prawiranegara parnah manjabaik sabagai Wakia Perdana Mantari, Mantari Kauangan, sarato Mantari Kamakmuran. Inyo manjabaik sabagai Wakia Mantari Kauangan pado tahun 1946, Mantari Kauangan nan partamo kali pado tahun 1946 sarato Mantari Kamakmuran pado tahun 1947. Katiko manjabaik sabagai Mantari Kamakmuran ikolah tajadi Agresi Militer II kamudian manyababkan tabantuaknyo PDRI.
Sasudah manyarahkan baliak kakuasaan Pamarintah Darurat RI, inyo manjabaik sabagai Wakia Perdana Mantari RI pado tahun 1949, kamudian sabagai Mantari Keuangan antaro tahun 1949-1950. Salaku Mantari Kauangan dalam Kabinet Hatta, pado bulan Maret 1950 inyo malaksanakan pangguntingan pitih dari nilai Rp 5 ka ateh, sahinggo nilainya tingga saparuah. Kabijaksanaan moneter nan banyak dikritik itu tanamo juo jo julukan Gunting Syafruddin.
Syafruddin kamudian manjabaik sabagai Gubernur Bank Sentral Indonesia nan partamo sakali, pado tahun 1951.Kahin 1989, p. 103 Sabalumnyo inyo adolah Presiden Direktur Javasche Bank nan tarakhia, nan kamudian diubah manjadi Bank Sentral Indonesia.
Gubernur BI
[suntiang | suntiang sumber]Pamarentah Indonesia malakuan nasionalisasi De Javasche Bank pado tahun 1951 dengan mambali sahamnyo dan maubahnyo manjadi badan pamarentah.[6] Syafruddin surang sabananyo indak satuju atas kebijakan iko, dek inyo bapandapek bahaso alun cukuik banyak urang Indonesia dengan pangalaman perbankan.[7] Meskipun baitu, inyo ditunjuak manjadi Gubernur De Javasche Bank (balakangan Bank Indonesia atau BI mulai tanggal 1 Juli 1953)[8] pado tanggal 15 Juli 1951, sasudah gubernur sabalunnyo A. Houwink nan berkebangsaan Belanda maunduran diri.[7] Mulonyo, Syafruddin baniaik manolak dek ingin pensiun dari pamarentahan dan bakarajo di sektor swasta, tapi inyo akhirnyo satuju manjadi gubernur dengan syarat bahasonyo pagawai Indonesia akan manerimo upah nan samo jo pagawai-pagawai Balando.[9]
Pandangan ekonomi jo kauangan Syafruddin cukuik mirip jo Houwink. Syafruddin manyebuik, Houwink maanggap dirinyo sabagai pangganti nan sasuai. Dalam laporan tahunannyo nan patamo, Syafruddin bapandapek bahaso ahwa De Javasche Bank harus tetap manjalankan operasi perbankan umum dek lamahnyo pasar modal jo akses ka fasilitas perbankan di Indonesia.[6] Syafruddin marupoan panyusun statuta BI, dan inyo manetapkan bahasonyo cadangan ameh jo valuta asing di BI minimal 20 persen dari nilai mata uang nan ditabikan. Kabijakan cadangan wajib minimal iko dikritik dek banyak ekonom jo pakar kauangan pado masanyo, takah Sumitro nan sangkek itu manjabaik sabagai Menteri Keuangan, dan dianggap sabagai kabijakan nan gagal mancapai tujuannyo.[10]
Syafruddin juo acok mangkritik kabijakan pro-"pribumi" pamarentah nan dianggapnyo kurang jaleh mamisahan modal "asiang" jo "dalam nagari". Manuruik Syafruddin, perbedaan antaro modal asiang jo dalam nagari hanyo didasaran remitansi: dengan kato lain, kok kauntungan dibaok ka luar nagari, modal tersebut "asiang", dan kok kauntungan tetap di Indonesia, modal tersebut "dalam nagari". Berdasarkan kriteria Syafruddin iko, pangusaho-pangusaho Tionghoa-Indonesia marupoan pangusaho dalam negeri, nan batantangan jo kabijakan pro-pangusaho pribumi (Program Benteng) dari Sumitro.[11] Syafruddin juo acok mangkritik kabijakan ekonomi jo moneter pamarentah salamo Kabinet Ali Sastroamidjojo I.[12] Maso jabatan patamo Syafruddin sabagai Gubernur BI habih pado tahun 1956, dan awalnyo pamarentah nan sangkek itu dikuasai PNI nio manggantiannyo jo Lukman Hakim nan marupoan anggota partai tersebut. Meskipun baitu, dek manuver Menteri Keuangan Jusuf Wibisono, Nahdlatul Ulama mamutihkan untuak mandukuang Syafruddin sahinggo maso jabatannyo dipapanjang.[13][14]
Katalibatan dalam PRRI
[suntiang | suntiang sumber]Pado tahun 1957 Sjafruddin bakonflik jo Presiden karano panentangannyo kapado nasionalisasi kapantingan ekonomi Balando, jo panantangannyo kapado Demokrasi Tapimpin, nan bapuncak pado panulisan surek kapado Soekarno pado tanggal 15 Januari 1958, dari Palembang, Sumatera Selatan, di mano Sjafruddin sadang dalam pambicaraan jo Kolonel Barlian nan mambarontak, manyuruah Soekarno untuak baliak ka Konstitusi Indonesia.[15]
Akibaiknyo, inyo dipecat sabagai gubernur Bank Indonesia, karano Sjafruddin samakin talibaik jo pambarontak nan disabuik Pamarintahan Revolusioner Republik Indonesia. Sjafruddin kurang sambarono dibandingkan babarapo rekan PRRI-nyo, manantang ultimatum limo hari (atas dasar militer strategis) pado 10 Februari 1958 kapado Perdana Mantari Djuanda Kartawidjaja untuak mambantuak kabinet baru jo Hatta jo Hamengkubuwono IX, Sultan Yogyakarta, pado wakatunyo. Dek karano itu, pado tanggal 15 Februari 1958, Sjafruddin manjadi Perdana Mantari PRRI; tando tangannyo nan parnah muncua di pitih karateh maso republik (1945–1949), jo sabagai Gubernur Bank Indonesia (1951–1958), muncua di catatan PRRI. Sjafruddin manantang pambantukan negara Sumatera nan tapisah, malah mancaliak PRRI sabagai garakan integritas Indonesia, manantang sentralisasi kakuasaan di Indonesia. Kamudian pambarontakan gagal, lalu pado tanggal 25 Agustus 1961, Sjafruddin manyarah ka tentara. Inyo dipanjaro sampai 26 Juli 1966,[15] meskipun inyo diagiah amnesti resmi pado tahun 1961.[16]
Pado awal tahun 1958, Pamarintahan Revolusioner Republik Indonesia (PRRI) didirikan di Sumatra Tengah akibaik katidakpuasan kapado pamarintah karano katimpangan-katimpangan sosial nan pernah tajadi sarato pangaruah komunis (tarutamo PKI) nan samakin manguaik. Syafruddin diangkek sabagai Perdana Mantari PRRI, kamudian mambantuak Kabinet tandingan sabagai jawaban ateh dibantuaknyo kabinet Ir. Juanda di Jawa, tapi PRRI tatap mangakui Soekarno sabagai Presiden PRRI, karano inyo diangkek sacara konstitusional.
PRRI capek ditumpas dek pamarintahan pusat sampai pado bulan Agustus 1958, palawanan PRRI dinyatokan barakhia jo pamarintah pusat di Jakarta bahasia manguasai baliak wilayah-wilayah nan sabalumnyo bagabuang jo PRRI. Kaputusan Presiden RI No.449/1961 kamudian manatapkan pambarian amnesti jo abolisi untuak urang-urang nan tasangkuik jo pambarontakan, tamasuak PRRI.
Kaluarga
[suntiang | suntiang sumber]Syafruddin manikah jo Tengku Halimah Syehabuddin. Mareka dikaruniai salapan urang anak. Syafruddin laia dari pasangan R. Arsyad Prawiraatmadja jo surang padusi nan barasa dari suku Sunda pado tanggal 28 Februari 1911 di Serang, Banten. Bapak dari Syafruddin ko badarah saparo Minang saparo Banten, karano bapaknyo (inyiak dari Syafruddin) nan banamo Sutan Alam Intan barasa dari Minang nan masih katurunan rajo-rajo Pagaruyuang nan dibuang dek Balando ka Banten karano talibat Parang Pidari. Syafruddin Prawiranegara maningga di Jakarta pado tanggal 15 Februari 1989, pado umua 77 tahun.
Masa tua
[suntiang | suntiang sumber]Sasudahh dibebaskan, Sjafruddin cindaruang labiah mangekspresikan dirinyo malalui agamo, dakwah malawan korupsi di bawah presiden Soeharto, jo mamimpin Petisi 50, sarato manantang konsep Pancasila sabagai satu-satunyo padoman untuak kasado golongan, tarutamo nan baragamo, di Indonesia. Pado tanggal 7 Juli 1983 inyo manulih surek tabuka kapado Soeharto untuak mamprotes katantuan dalam RUU nan mandukuang konsep tu.[17] Akibaik kagiatan iko, Soeharto malarang Sjafruddin pai kalua nagari kacuali untuak barubek.[18]
Syafrudin Prawiranegara mamiliah lapangan dakwah sabagai kasibukan di maso tuonyo. Namun bakali-kali mantan tokoh Partai Masyumi iko dilarang naiak mimbar. Pado bulan Juni 1985, inyo dipareso sahubuangan jo isi khotbahnyo pado hari raya Idul Fitri 1404 H di masjid Al-A'raf, Tanjung Priok, Jakarta. Dalam aktivitas kaagamoannyo, inyo parnah manjabaik sabagai Katua Korp Mubalig Indonesia (KMI). Kagiatan-kagiatannyo nan bakaitan jo pandidikan, kaislaman, sarato dakwah, antar lain:
- Anggota Dewan Pangawas Yayasan Pandidikan & Pambinaan Manajemen (PPM), kini dikenal jo namo PPM Manajemen(1958)
- Anggota Panguruih Yayasan Al Azhar/Yayasan Pesantren Islam (1978)
- Kaetua Korps Mubalig Indonesia (1984)
Inyo sempat pulo manyusun buku "Sijarah Moneter", jo bantuan Oei Beng To, direktur utamo Lembaga Kauangan Indonesia. Syafruddin Prawiranegara maningga karano sarangan jantuang di Jakarta, pado tanggal 15 Februari 1989, di umua 77 tahun.[5] "Saya ingin mati di dalam Islam. Dan ingin menyadarkan, bahwa kita tidak perlu takut kepada manusia, tetapi takutlah kepada Allah", kaliamaik nan pernah disabuikan dek Syafruddin Prawiranegara.
Rujuak-an
[suntiang | suntiang sumber]- ↑ Voice of al-Islam 2009.
- ↑ a b c Republika Inline 2019.
- ↑ a b antaranews.com 2011.
- ↑ Akmal aNasery Basral 2011.
- ↑ a b Kahin 1989, hlm. 101.
- ↑ a b Wolters 2012, hlm. 125-126.
- ↑ a b Madinier 2015, hlm. 197.
- ↑ Kementerian Keuangan 1991, hlm. 193.
- ↑ Thee Kian Wie 2012, hlm. 10.
- ↑ Wolters 2012, hlm. 129.
- ↑ Lindblad 2008, hlm. 142.
- ↑ Feith 2006, hlm. 370.
- ↑ Notodidjojo 1980, hlm. 160.
- ↑ Madinier 2015, hlm. 220.
- ↑ a b Kahin 1989, hlm. 104.
- ↑ Kian Wie Thie 2003.
- ↑ Bourchier & Hadiz 2003, hlm. 144.
- ↑ Kahin 1989, hlm. 105.
Daftar pustaka
[suntiang | suntiang sumber]- (dalam bahaso id) Rupiah di tengah rentang sejarah: 45 tahun uang Republik Indonesia, 1946-1991. Kementerian Keuangan. 18 Agustus 1991. https://books.google.com/books?id=rP4VAQAAMAAJ.
- (dalam bahaso id) Sejarah Departemen Penerangan RI.. Kementerian Penerangan. 18 Agustus 1986. https://www.google.com/books/edition/Sejarah_Departemen_Penerangan_RI/rtIjAAAAMAAJ?hl=en&gbpv=1&dq=syafruddin+prawiranegara+anyer+kidul&pg=PA172. Diakses pado 14 Nopember 2021.
- (dalam bahaso id) Peran TNI-AU pada masa pemerintah darurat Republik Indonesia tahun 1948-1949. Subdisjarah. 18 Agustus 2001. https://www.google.com/books/edition/Peran_TNI_AU_pada_masa_pemerintah_darura/CqT4_3WCeMMC.
- (dalam bahaso id) Cerita Jemaah Haji Indonesia Tahun 1970-an Ketika Ibadah Haji Mulai Dengan Pesawat. Tempo Publishing. 18 Agustus 2020. ISBN 978-623-262-180-0. https://www.google.com/books/edition/Cerita_Jemaah_Haji_Indonesia_Tahun_1970/3F3UDwAAQBAJ. Diakses pado 14 Nopember 2021.
- Anderson, Benedict Richard O'Gorman (2006) (dalam bahaso en). Java in a Time of Revolution: Occupation and Resistance, 1944-1946. Equinox Publishing. ISBN 978-979-3780-14-6. https://www.google.com/books/edition/Java_in_a_Time_of_Revolution/87totx4p3ZcC.
- Artawijaya (2014) (dalam bahaso id). Belajar Dari Partai Masjumi. Pustaka Al Kautsar. pp. 18-20. ISBN 978-979-592-674-0. https://www.google.com/books/edition/Belajar_Dari_Partai_Masjumi/NyDuDAAAQBAJ?hl=en&gbpv=1&dq=masa+kecil+sjafruddin+prawiranegara+kuding&pg=PA19. Diakses pado 14 Nopember 2021.
- Assyaukanie, Luthfi (2009) (dalam bahaso en). Islam and the Secular State in Indonesia. Institute of Southeast Asian Studies. ISBN 978-981-230-889-4. https://www.google.com/books/edition/Islam_and_the_Secular_State_in_Indonesia/H8ZEwdcxQX0C.
- Bahar, Saafroedin (2018) (dalam bahaso id). Etnik, Elite dan Integrasi Nasional: Minangkabau 1945-1984 Republik Indonesia 1985-2015. Gre Publishing. ISBN 978-602-7677-56-2. https://www.google.com/books/edition/ETNIK_ELITE_DAN_INTEGRASI_NASIONAL/Tk1jDwAAQBAJ.
- Budiyarso, Edy (2000) (dalam bahaso id). Menentang tirani: aksi mahasiswa '77/'78. Gramedia Widiasarana Indonesia bekerja sama dengan Bank Naskah Gramedia. ISBN 978-979-669-975-9. https://www.google.com/books/edition/Menentang_tirani/0e1xAAAAMAAJ. Diakses pado 14 Nopember 2021.
- Djumala, Darmansjah (2013) (dalam bahaso id). Soft Power untuk Aceh. Gramedia Pustaka Utama. ISBN 978-979-22-8755-4. https://www.google.com/books/edition/Soft_Power_untuk_Aceh/u0lODwAAQBAJ?hl=en&gbpv=1&dq=syafruddin+prawiranegara+aceh&pg=PA26. Diakses pado 14 Nopember 2021.
- Feith, Herbert (2006) (dalam bahaso en). The Decline of Constitutional Democracy in Indonesia. Equinox Publishing. ISBN 978-979-3780-45-0. https://www.google.com/books/edition/The_Decline_of_Constitutional_Democracy/VAH0W9uxoqoC.
- Fogg, Kevin W. (2019) (dalam bahaso en). Indonesia's Islamic Revolution. Cambridge University Press. ISBN 978-1-108-48787-0. https://www.google.com/books/edition/Indonesia_s_Islamic_Revolution/A27CDwAAQBAJ.
- Fogg, Kevin W. (2020). Spirit Islam pada Masa Revolusi Indonesia. Jakarta: Noura Books. ISBN 978-623-242-186-8.
- Friend, Theodore (2009) (dalam bahaso en). Indonesian Destinies. Harvard University Press. ISBN 978-0-674-03735-9. https://www.google.com/books/edition/Indonesian_Destinies/_w6Mn4xRLt8C.
- Glassburner, Bruce (1962). "Economic Policy-Making in Indonesia, 1950-57". Economic Development and Cultural Change (dalam bahasa Inggris). 10 (2): 113–133. ISSN 0013-0079. JSTOR 1151906.
- Kahin, George McT. (1989). "In Memoriam: Sjafruddin Prawiranegara (1911–1989)". Indonesia (dalam bahasa Inggris). Ithaca, New York: Cornell Modern Indonesia Project. 48: 101–106. ISSN 0019-7289. JSTOR 3351269.
- Kahin, Audrey (1999) (dalam bahaso en). Rebellion to Integration: West Sumatra and the Indonesian Polity, 1926-1998. Amsterdam University Press. ISBN 978-90-5356-395-3. https://www.google.com/books/edition/Rebellion_to_Integration/AlF14JYwA_wC.
- Kahin, Audrey; Kahin, George McTurnan (1997) (dalam bahaso en). Subversion as Foreign Policy: The Secret Eisenhower and Dulles Debacle in Indonesia. University of Washington Press. ISBN 978-0-295-97618-1. https://www.google.com/books/edition/Subversion_as_Foreign_Policy/WnRTP-olmNQC.
- Latif, Yudi (2008) (dalam bahaso en). Indonesian Muslim Intelligentsia and Power. Institute of Southeast Asian Studies. ISBN 978-981-230-472-8. https://www.google.com/books/edition/Indonesian_Muslim_Intelligentsia_and_Pow/FLR3uqRr-1oC.
- Legge, J. D. (2010) (dalam bahaso en). Intellectuals and Nationalism in Indonesia: A Study of the Following Recruited by Sutan Sjahrir in Occupied Jakarta. Equinox Publishing. ISBN 978-602-8397-23-0. https://www.google.com/books/edition/Intellectuals_and_Nationalism_in_Indones/HHwW1m0atC0C.
- Lindblad, J. Th (2008) (dalam bahaso en). Bridges to New Business: The Economic Decolonization of Indonesia. BRILL. ISBN 978-90-04-25397-1. https://www.google.com/books/edition/Bridges_to_New_Business/rfRjAAAAQBAJ.
- Madinier, Remy (2015) (dalam bahaso en). Islam and Politics in Indonesia: The Masyumi Party between Democracy and Integralism. NUS Press. ISBN 978-9971-69-843-0. https://www.google.com/books/edition/Islam_and_Politics_in_Indonesia/jxlxCgAAQBAJ.
- Madinier, Remy (2022) (dalam bahaso id). Revolusi Tak Kunjung Selesai. Kepustakaan Populer Gramedia. ISBN 978-602-424-306-7. https://www.google.com/books/edition/Revolusi_Tak_Kunjung_Selesai/xWhYEAAAQBAJ.
- Notodidjojo, Soebagijo Ilham (1980) (dalam bahaso id). Jusuf Wibisono, karang di tengah gelombang. Gunung Agung. https://www.google.com/books/edition/Jusuf_Wibisono_karang_di_tengah_gelomban/dt0LAAAAIAAJ. Diakses pado 14 Nopember 2021.
- Prawiranegara, Syafruddin (1978) (dalam bahaso id). Bebaskanlah perjalanan haji dari monopoli pemerintah!. Bulan Bintang. https://www.google.com/books/edition/Bebaskanlah_perjalanan_haji_dari_monopol/jQWnAQAACAAJ. Diakses pado 14 Nopember 2021.
- Rifai-Hasan, Pipip-Achmad (15 September 2012). "Islam, Social Justice and Economic Development: A Study of the Works of Sjafruddin Prawiranegara" (dalam bahasa Inggris). Concordia University.
- Rosidi, Ajip (1986) (dalam bahaso id). Sjafruddin Prawiranegara Lebih Takut Kepada Allah S.w.t: Sebuah Biografi. Inti Idayu. https://www.google.com/books/edition/Sjafruddin_Prawiranegara_Lebih_Takut_Kep/EwcbzQEACAAJ?hl=en.
- Thee Kian Wie, ed (2003) (dalam bahaso en). Recollections: The Indonesian Economy, 1950s–1990s. Singapura: Institute of Southeast Asian Studies. ISBN 978-981-230-174-1. https://books.google.com/books?id=kot1BwAAQBAJ.
- Thee Kian Wie (2012) (dalam bahaso en). Indonesia's Economy Since Independence. Institute of Southeast Asian Studies. ISBN 978-981-4379-63-2. https://books.google.com/books/about/Indonesia_s_Economy_Since_Independence.html?id=YsJI4L8yBBwC.
- van Dijk, C. (1981). "Aceh, the Rebellion of the Islamic Scholars" (dalam bahaso en). Rebellion under the Banner of Islam. BRILL. pp. 269–339. ISBN 978-90-04-28725-9. https://www.jstor.org/stable/10.1163/j.ctvbqs6vx.12.
- Wolters, W.G. (2012). "Decolonizing money: Central banks in the Philippines and Indonesia" (dalam bahaso en). Beyond Empire and Nation. BRILL. pp. 109–136. ISBN 978-90-6718-289-8. https://www.jstor.org/stable/10.1163/j.ctt1w8h2zm.8.
Didaului jo: Surachman Tjokrodisurjo |
Mantari Kaungan 1946–1947 |
Digantian dek: A. A. Maramis |
Didaului jo: Lukman Hakim |
Mantari Kauangan 1949–1950 |
Digantian dek: Lukman Hakim |
Didaului jo: Lukman Hakim |
Mantari Kauangan 1950–1951 |
Digantian dek: Jusuf Wibisono |
Didaului jo: Mohammad Natsir |
Mantari Panarangan 1948–1949 |
Digantian dek: Samsuddin |
- Laman jo argumen gando di pamanggilan templat
- Halaman dengan label Wikidata belum diterjemahkan
- Halaman dengan label wikidata belum diterjemahkan
- Tangga lahia 28 Februari
- Lahia 1911
- Tangga kamatian 15 Februari
- Kamatian 1989
- Pahlawan Nasional Indonesia
- Kalahiaran 1911
- Maningga umua 78
- Artikel biografi Desember 2023
- Tokoh Indonesia
- Wakil Pardano Mantari Republik Indonesia
- Mantari Kabinet Sjahrir II
- Mantari Kabinet Sjahrir III
- Mantari Kabinet Hatta I
- Mantari Kabinet Darurat
- Mantari Kabinet Hatta II
- Mantari Kabinet Republik Indonesia Serikat
- Presiden Indonesia
- Tokoh Petisi 50
- Tokoh Banten
- Tokoh Sunda
- Tokoh Minangkabau
- Tokoh dari Serang
- Tokoh Sumatera Barat