Utan ujan
![](http://178.128.105.246/content-http-upload.wikimedia.org/wikipedia/commons/thumb/3/33/2007-09-20-57-kalimantan-foresta.jpg/300px-2007-09-20-57-kalimantan-foresta.jpg)
Utan ujan adolah utan nan banyak manarimo ujan. Biasonyo mamiliki banyak tanaman jo binatang. Utan ujan nan paliang tanamo iolah Utan Amazon, sarato utan Indonesia. Ilimuwan-ilmuwan mangatokan labiah dari saparuah spesies tanaman jo binatang tingga di utan hujan. Juo ado labiah dari 1/4 ubek-ubek barasa dari siko. Utan ujan hanyo maliputi wilayah sakitar 2% dari wilayah tanah bumi,[1] tapi utan ujan masih manyadiokan 40% oksigen. Utan ujan mandapek curah ujan rato-rato 50 sampai 250 inch satahun. Pado tahun-tahun angek jarang mancapai suhu di ateh 93 F atau di bawah 68 F. Mamiliki kalambaban rato-rato 77% sampai 88%.[2] Utan ujan mamiliki hamparan daun-daun ijau nan busuak di tanah nan disabuik lapisan humus.
Utan ujan tropis dapek tasuo di sekitar garih khatulistiwa, nan mambantang mulai dari Amerika Selatan, Afrika, Asia, inggo ka Australia. Ado tigo tipe utan ujan tropis nan diwakili tigo blok gadang. Satiok blok mamiliki kaunikan ekosistemnyo surang. Utan tasabuik talatak di Amazon Amerika Selatan, Sungai Kongo di Afrika Tengah jo Asia Tenggara. Disampiang itu, ado duo blok ketek nan mamiliki kaunikan surang babeda jo katigo blok di ateh, yakni Pulau Madagaskar jo Papua Nugini-Australia.
Barikuik iko lokasi panyebaran Utan ujan tropis di dunia:
- Amerika ado di Amerika Latin pado basin Sungai Amazon sarato di Amerika Tengah wilayah selatan Mexico inggo Ekuador dan sabagian ketek kapulauan Karibia
- Afrika ado di basin Sungai Kongo atau Basin Zaire dan sajumlah ketek di Afrika Barat sarupo Ghana, Pantai Gading, Liberia, Sierra Leone juo Madagaskar timur
- Asia ado di Asia Tenggara sarupo Indonesia, Samananjuang Indocina dan Filipina utamonyo bagian selatan. Sabagian ketek lai tasuo di Cina bagian Selatan dan Taiwan. Kudian ado juo Asia Selatan, mulai dari Srilangka dan sabagian ketek India bagian barat
- Australia-Melanesia ado di Pulau Papua di Indonesia dan Papua Nugini, Kapulauan Maluku di Indonesia, wilayah utara-timur Queensland di Australia sarato di nagara kapulauan di wilayah Lautan Pasifik
Rujuakan
[suntiang | suntiang sumber]- ↑ Miller, G. Tyler (2016). Living in the Environment. Cengage Learning. pp. 50. ISBN 9781337516082. https://books.google.co.id/books?id=JPC5DQAAQBAJ&printsec=frontcover&hl=id#v=onepage&q&f=false.
- ↑ "KDE Santa Barbara". kids.nceas.ucsb.edu. Diakses tanggal 2021-01-31.
Pautan lua
[suntiang | suntiang sumber]- (Indonesia) Utan Ujan Archived 2023-04-15 di Wayback Machine.
- (Indonesia) Utan Ujan Tropis Archived 2022-05-24 di Wayback Machine.
- (Indonesia) Utan Ujan di Indonesia Archived 2019-03-27 di Wayback Machine.