Dados
![](http://178.128.105.246/content-http-upload.wikimedia.org/wikipedia/commons/thumb/4/4a/Disambig_grey.svg/20px-Disambig_grey.svg.png)
Ls dados refíren- se a ua recolha d'anformaçones ourganizadas, normalmente l resultado de la spriéncia ó ouserbaçon de outras anformaçones drento dun sistema de cumputador, ó un cunjunto d'anstalaçones. Ls dados puoden cunsistir an númaros, palabras ó eimaiges, las mediçones i ouserbaçones dun cunjunto de bariables; anformaçones, registo qu'eidantifica algo tanto oubjeto ó animal.
Dados brutos
[eiditar | eiditar código-fuonte]An anformática dados brutos (raw data) zeignan ls dados/balores recolhidos i stocados tal qual fúrun adquiridos, sin tenéren sofrido l menor tratamiento.
Apersentan-se cumo un cunjunto de númaros, carateres, eimaiges ó outros çpositibos de salidas para cumberter cantidades físicas an simblos, nun sentido mui stenso.
Uso de dados an ciéncia i anformática
[eiditar | eiditar código-fuonte]Ls dados puoden ser houmanos ó processados por ua antrada nun cumputador, armazenados i tratados alhá, ó trasmitidos (salida) para outro cumputador ó houmano. La palabra "dados" ye un termo relatibo, tratamiento de dados quemumente ocorre por etapas, i ls "dados processados" a partir dua etapa puoden ser cunsidrados ls "dados brutos" de l próssimo.
Cumputaçon, çpositibos macánicos, son classeficados d'acuordo culs meios atrabeç de ls quales eilhes repersentan dados. Un cumputador analógico repersenta un dado cumo ua tenson, çtáncia, posiçon, ó outra cantidade física. Un cumputador digital repersenta un dado cumo ua sequéncia de simblos traçada a partir dun alfabeto fixo. L mais quemun, cumputadores digitales úsan un alfabeto binairo, esto ye, un alfabeto de dous carateres, normalmente chamadas "0" i "1". Mais fameliarizado repersentaçones, tales cumo númaros ó letras, son custruídos a partir de l'alfabeto binairo.
Dado: a la luç de la Ciéncia de la Anformaçon
[eiditar | eiditar código-fuonte]Defenimos dado cumo ua sequéncia de simblos quantificados ó quantificables. Antoce, un testo ye un dado. De fato, las letras son simblos quantificados, yá que l'alfabeto por si solo custitui ua base numérica. Tamien son dados eimaiges, sonidos i animaçon, pus todos puoden ser quantificados a punto d'alguien qu'entra an cuntato culs tener eibentualmente deficuldade de çtinguir la sue reproduçon, a partir de la repersentaçon quantificada, cul ouriginal. Ye mui amportante notar-se que qualquiera testo custitui un dado ó ua sequéncia de dados, mesmo qu'el seia ininteligible pa l leitor. [1]
L dado l'anformaçon i l coincimiento
[eiditar | eiditar código-fuonte]L dado na tecnologie de l'anformaçon ye la repersentaçon física dun eibento ne l tiempo i spácio que nun agrega fundamiento para quien l sente ó recibe, nun podendo ser possible antender l qu'el repersenta ó para qu'el eisiste, podemos tener cumo eisemplo un númaro , se solamente esse númaro fur çponibelizado para alguien ó pa l tiempo i spácio, por alguien ó por un eibento, nun ye possible saber l qu'el senefica ó l qu'el repersenta, podendo repersentar qualquiera cousa ó nun repersentar nada, poren ne l momiento qu'eisistir ua agregaçon cun outro dado el passa a ser ó nun ua anformaçon.
La anformaçon ye l dado ourganizado, un testo puode ser ua anformaçon ua fuonte de muitas anformaçones ó un cunjunto d'anformaçon, pus se ls dados agrupados geráren sentido para quien l lé i quedando claro ó nun (balor de l'anformaçon se de l'a la culidade cula qual ye çponibelizada, reduzindo ó oumentando la porbabelidade d'anterpretaçon ambígua pul eimitente, quanto mais percisa, mais baliosa eilha se torna ) la que se refire, l dado passa a ser l balor dun detreminado iten, eibento de l que se refire. Un relatório, un boletin scolar, ua fuolha de pagamiento son eisemplos d'anformaçon, zde que faga sentido la quien l bé.
L coincimiento ye resultado de baries anformaçones ourganizadas de forma lógica i suficiente para criar un eibento, tornar possible un eibento inda nun coincido ó l poder d'antender un eibento, sues causas, eibentos anteriores i sues causas, eibentos de la causa, eibento resultante de causas, l poder de manipular eibentos i causas.
Refréncia
[eiditar | eiditar código-fuonte]- ↑ DataGramaZero
Ber tamien
[eiditar | eiditar código-fuonte]- Anformática
- Admenistraçon de dados
- Arquitetura de dados
- Angenharie
- Statística
- Metodologie
- Matemática