Lagos
![]() |
![]() |
Brason | Bandeira |
[[Fexeiro:|250px]] Centro histórico | |
![]() | |
Gentílico | Lacobrigense |
Ária | 212.84 km² |
Populaçon | 31048 hab. ([[2011[1]]]) |
Densidade populacional | Nun çponible |
N.º de freguesies | 6 |
Fundaçon de l munecípio (ó foral) |
c. 1255 |
Region | Algarve |
Subregion | Algarve |
Çtrito | Faro |
Antiga porbíncia | Algarve |
Ourago | São Gonçalo de Lagos |
Feriado municipal | 27 de Outubro |
Código postal | 8600 |
Andereço de ls Paços de l Cunceilho |
Praça do Município
8600-293 Lagos |
Sítio oufecial | www.cm-lagos.pt/ |
Andereço de correio eiletrónico |
expediente.geral@cm-lagos.pt |
Munecípios de Pertual ![]() |
Lagos ye ua cidade pertuesa ne l Çtrito de Faro, region i sub-region de l Algarbe, sede de cunceilho, cun 31 048 habitantes ne l munecípio. La cidade an si ten ua populaçon d'aprossimadamente 22 000 pessonas. Queda ne l Barlabento, la zona oucidental de l Algarbe.
Ye ua cidade stórica (Çcubrimientos Pertueses) i turística (praias i bida noturna). La maiorie de la populaçon reside na periferie de la cidade, percurando oubter guapa paisaige pa l mar ó pa la Serra de Monchique i trabalha, na sue grande maiorie, na andústria turística. L'anterior de la cidade ye antigo i praticamente to pedonal, ouferecendo als turistas las delícias de ls buns restourantes, bares, cafés, i als habitantes las mais dibersas possibelidades comerciales.
Ye ua de las cidades mais bejitadas ne l Algarbe debido a la sue beleza, a la grande cantidade de praias, bares, houteles i restourantes que çpone.
Populaçon de l cunceilho de Lagos (1801 – 2011) | |||||||||
---|---|---|---|---|---|---|---|---|---|
1801 | 1849 | 1900 | 1930 | 1960 | 1981 | 1991 | 2001 | 2011 | |
9 789 | 11 012 | 13 937 | 16 210 | 17 060 | 19 700 | 21 526 | 25 398 | 31 048 |
Stória
[eiditar | eiditar código-fuonte]![](http://178.128.105.246/content-http-upload.wikimedia.org/wikipedia/commons/thumb/b/bf/Boa_Esperan%C3%A7a_Caravel_-_Lagos%2C_Portugal.jpg/200px-Boa_Esperan%C3%A7a_Caravel_-_Lagos%2C_Portugal.jpg)
La purmeira localidade na region de Lagos, chamada de Lacobriga ó Lacóbriga, fui fundada cerca de 2000 anhos antes de l Nacimiento de Cristo puls cunhos.[2] Esta localidade fui, por bias desso, acupada por Cartagineses, Romanos, pobos bárbaros, muçulmanos i finalmente reconquistada puls crestianos ne l Seclo XIII.[3] Debido a la sue localizaçon i amportança eiquenómica, tornou-se un punto central pa ls Çcubrimientos Pertueses, a partir de l Seclo XV; an 1573, fui eilebada la cidade pul rei D. Sabastian, passando a ser la capital de l Reino de l Algarbe, posiçon que mantebe durante l Domínio Filipino. An 1755, quando fui debastada pul tsunami que tamien debastou Lisboua, la capital probisória passou para Loulé i depuis para Faro adonde inda se mantén.. Ne l Seclo XIX, participou atibamente nas Ambasones Francesas i na Guerra Cebil Pertuesa[4], tenendo cunseguindo retomar algua amportança eiquenómica, cula antroduçon de las purmeiras andústrias a partir de meados de l seclo.
Passado la Segunda Guerra Mundial i até als finales de l Seclo XX, assistiu-se a ua gradual reduçon de la capacidade andustrial i a un oumiento de l turismo, tornando-se la percipal atebidade eiquenómica ne l Cunceilho.[5]
Admenistraçon pública
[eiditar | eiditar código-fuonte]Debison admenistratiba
[eiditar | eiditar código-fuonte]Ye sede dun munecípio cun 212,84 Km² de ária i 31 048 habitantes (2011[6]), subdebidido an 6 freguesies. L munecípio ye lemitado la norte pul munecípio de Monchique, la leste por Portimon, l'oeste por Bila de l Bispo, la noroiste por Aljezur i la sul ten litoral ne l ouceano Atlántico.
Orgones Outárquicos
[eiditar | eiditar código-fuonte]La Assemblé Municipal de Lagos, ne l mandato 2009-2013, ye presidida por Paulo José Dies Morgado;[7] l persidente de la Cámara Municipal de Lagos ye Júlio José Monteiro Barroso, i l lugar de bice-Persidente ye acupado por Marie Joaquina Batista Quintanes de Matos.[8]
La maior parte de ls serbícios admenistratibos ancontra-se debedida antre l'eidifício Paços de l Cunceilho Seclo XXI, l nuobo Eidifício de la Cámara situado a l'antrada de Lagos i las Ouficinas Municipales na localidade de l Chenicato; la Assemblé Municipal ancontra-se sedeada ne l'antigo eidifício de ls Paços de l Cunceilho.[9]
Bista panorámica de Lagos
[eiditar | eiditar código-fuonte]![](http://178.128.105.246/content-http-upload.wikimedia.org/wikipedia/commons/thumb/3/3f/Lagos_at_sunset.jpg/220px-Lagos_at_sunset.jpg)
Las freguesies de Lagos son las seguintes:
Património, cultura i çporto
[eiditar | eiditar código-fuonte]Cultura i eibentos
[eiditar | eiditar código-fuonte]Ls percipales eibentos ne l munecípio son l Banho 29 (ne l die 29 de Agosto), ua manifestaçon cultural ne l Cales de la Solarie qu'anclui ua reconstituiçon de ls antigos hábitos balneares,[10] i l Festibal de ls Çcubrimientos, que recorda usos i questumes de ls Seclos XB i XBI.[11] La moderna marina de Lagos (cun 460 lugares para ambarcaçones) juntamente cula sue puonte liebadiça, tornou-se nun centro amportante para biajantes de longa çtáncia. Lagos ten dibersas atebidades culturales, adonde muitas tradiçones locales son celebradas que ban zde l'arquitetura até a la época de ls çcubrimientos. La bida noturna i fiestas tornórun-se tamien nun punto de refréncia de la cidade.
Património
[eiditar | eiditar código-fuonte]Debido a la sue longa stória, l Cunceilho apersenta einúmaros andícios físicos i culturales, que recordan bárias épocas de la stória de Lagos, ls percipales agentes i ls acuntecimientos mais marcantes. Antre estes bruxedos, puoden ser eidantificados alguns monumientos mais amportantes, que persenciórun ó fúrun mesmo palco destes acuntecimientos:
![](http://178.128.105.246/content-http-upload.wikimedia.org/wikipedia/commons/thumb/7/76/Santa_Maria_church_by_night.jpg/220px-Santa_Maria_church_by_night.jpg)
- Eigreija Paroquial de Santa Marie de Lagos
- Eigreija de Santo António Belíssema cula sue talha dourada
- Eigreija de San Sabastian
- Castielho de ls Gobernadores
- Fuorte de Nuossa Senhora de la Peinha de Fráncia ó de la Punta de la Bandeira
- Antigo eidifício de ls Paços de l Cunceilho de Lagos
- Mercado Municipal de la Abenida
- Eigreija i Cumbento de Nuossa Senhora de l Carmo
- Ruínas de l'antiga cidade de Lacobriga, ne l Monte Molion
- Muralhas, puortas i baluartes de la segunda linha de muralhas de Lagos
![](http://178.128.105.246/content-http-upload.wikimedia.org/wikipedia/commons/thumb/5/50/North_end_of_Rua_25_de_Abril%2C_Lagos.jpg/220px-North_end_of_Rua_25_de_Abril%2C_Lagos.jpg)
Percipales personaiges stóricas de Lagos
[eiditar | eiditar código-fuonte]- Dr. José Reis (1º médico geriatra pertués)
- Gil Eanes (nabegador pertués de l seclo XV)
- Júlia Barroso (atriç, cantora i porsora pertuesa)
- Júlio Dantas (médico, poeta, jornalista, político, diplomata i dramaturgo pertués)
- Lançarote de Freitas (nabegador i comerciante pertués de l seclo XV)
- San Gonçalo de Lagos (beato pertués, de la Orde de Santo Agostico, naciu i bibeu antre ls seclo XIV i XB)
- Soeiro de la Cuosta (nabegador pertués i un de ls 12 de Anglaterra - semilendairos heiroles cujo eipisódio fui narrado ne ls Lusíadas)
- Marie de Fátima Brabo (Cantora pertuesa)
Geminaçones
[eiditar | eiditar código-fuonte]L cunceilho de Lagos ye geminado culas seguintes cidades:
- Modelo:Country data Spain Palos de la Frontera, Andaluzia, Espanha
- Modelo:Country data Spain Vélez-Málaga, Andaluzia, Espanha
- Modelo:Country data Mozambique Ilha de Moçambique, Nampula, Moçambique
- Modelo:Country data Western Sahara Bojador, Laâyoune-Boujdour-Sakia El Hamra, Saara Ocidental
- Modelo:Country data Indonesia Sikka, Sonda Oriental, Indonésia
- Modelo:Country data South Africa Ugu, KwaZulu-Natal, África do Sul
- Modelo:Country data France Lagos, Pirineus Atlânticos, França
- Modelo:Country data Mexico Lagos de Moreno, Jalisco, México
- Modelo:Country data Senegal Gorée, Dakar, Senegal
- Modelo:Country data Greece Lagos, Xanthi, Portugal (Municipalidade de Abdera)
Caraterizaçon geográfica
[eiditar | eiditar código-fuonte]Praias
[eiditar | eiditar código-fuonte]![](http://178.128.105.246/content-http-upload.wikimedia.org/wikipedia/commons/thumb/4/45/Dona_Ana_Beach_Lagos_Algarve_Portugal.png/220px-Dona_Ana_Beach_Lagos_Algarve_Portugal.png)
- Meia Praia
- Praia de la Patata
- Praia de ls Studantes
- Praia de l Pinhon
- Praia de la Dona Ana
- Praia de l Camilo
- Praia de ls Pinheiros
- Praia Grande
- Praia de la Punta de la Piadade
- Praia de l Barranco Martico
- Praia de l Canheiro
- Praia de l Porto de Muolas
- Praia de la Luç
Eiquenomie i trasportes
[eiditar | eiditar código-fuonte]Trasportes
[eiditar | eiditar código-fuonte]La cidade de Lagos ye serbida, la nible rodobiairo, pula outo-strada A 22 (antre Lagos i Castro Marin), pula EN 120 (antre Lagos i Sines) i pula EN 125.
L percipal meio de trasporte público ne l cunceilho ye La Óndia, ua rede de carreiras que liga todas las percipales localidades, i efetua l trasporte antre bários puntos de Lagos.
La nible ferrobiairo, Lagos ye ua staçon treminal de la Linha de l Algarbe.
Eiquenomie
[eiditar | eiditar código-fuonte]![](http://178.128.105.246/content-http-upload.wikimedia.org/wikipedia/commons/thumb/0/0e/Marina_de_Lagos.jpg/220px-Marina_de_Lagos.jpg)
A la semelhança de bárias localidades costeiras Pertuesas, Lagos siempre tubo ua grande prossimidade cul mar, i zde tiempos mui çtantes, la pesca fui l'atebidade mais amportante i ua de las únicas fuontes de rendimiento pa la populaçon. An meados de l Seclo XIX, la cidade tornou-se nun centro d'andústria cunserbeira, tornando-se ne l percipal meio de sustentabelidade de la cidade. A partir de la Década de 1960, la percipal atebidade eiquenómica passou a ser l turismo, ancentibado pulas praias i clima atratibos, ua cuosta única (chamada cumo cuosta D'Ouro, debido a a quelor quaije dourada de las peinhas), la gastronomie i l patrimonho stórico.
Bibliografie
[eiditar | eiditar código-fuonte]- Paula, Rui Mendes (1992). Lagos. Evolução Urbana e Património. Lagos: Câmara Municipal de Lagos. 392 páiginas. ISBN 9789729567629
- Cardo, Mário (1998). Lagos Cidade. Subsídios para uma Monografia. Lagos: Grupo dos Amigos de Lagos. 80 páiginas
- Coutingo, Valdemar (2008). Lagos e o Mar Através dos Tempos. Lagos: Câmara Municipal de Lagos. 95 páiginas
Lhigaçones sternas
[eiditar | eiditar código-fuonte]- Artigo sobre Lagos Arquibado an 2010-07-22 ne l Wayback Machine.
- I Support Lagos/ Eu Apoio Lagos: The community web portal of information and news of Lagos in English, Portugal Arquibado an 2011-02-02 ne l Wayback Machine.
- Página oficial da Câmara Municipal de Lagos
- Balcão virtual da Câmara Municipal de Lagos
- Página oficial da Assembleia Municipal de Lagos
- Página oficial do serviço de transportes municipal A Onda
Refréncias
[eiditar | eiditar código-fuonte]- ↑ [1] Censos 2011
- ↑ Paula, p. 21
- ↑ Cardo, 1998:44
- ↑ Paula, 1992:78
- ↑ Coutinho, 2008:83
- ↑ Censos 2011 «censos 2011» Cunsulte valor
|url=
(ajuda) - ↑ «Orgãos Autárquicos-Assembleia Municipal: Constituição». Câmara Municipal de Lagos. Cunsultado an 27 de Julho de 2010 Cunsulte data an:
|cunsultadata=
(ajuda) - ↑ «Orgãos Autárquicos-Câmara Municipal-Executivo: Constituição». Câmara Municipal de Lagos. Cunsultado an 27 de Julho de 2010 Cunsulte data an:
|cunsultadata=
(ajuda) - ↑ «Orgãos Autárquicos-Câmara Municipal-Organograma: Localização de Serviços». Câmara Municipal de Lagos. Cunsultado an 27 de Julho de 2010 Cunsulte data an:
|cunsultadata=
(ajuda) - ↑ «Turismo-Feiras, Festas e Outros Eventos-Festas:Festa do Banho 29». Câmara Municipal de Lagos. Cunsultado an 27 de Julho de 2010 Cunsulte data an:
|cunsultadata=
(ajuda) - ↑ «Turismo-Feiras, Festas e Outros Eventos-Festas:Festival dos Descobrimentos». Câmara Municipal de Lagos. Cunsultado an 27 de Julho de 2010 Cunsulte data an:
|cunsultadata=
(ajuda)