Suvaro
Suvaro | |
---|---|
![]() Suvaro |
![]() Suvaro a 'o microscopio ('ngrannimiento: 200x) |
Carattaristiche generali | |
Stato 'e aggregazzione (dinto 'e c.s.) | solido |
Proprietà chimico-fisiche | |
Denzità (g/cm3, dinto c.s.) | 0,25[1] |
Codice 'e riciclaggio | |
51 FOR | ![]() |
'O suvaro è nu tessuto veggetale 'e rivestimento di origgine secunnaria, ca riveste 'o sponzillo e 'e rareca di chiante lignose addò piglia 'o posto 'e ll'epidermide, che vene lacerata a ll'accrescimiento secunnario (diametrico) e ll'organo.
Particularmente preggiato cummercialmente è chello da suvara.
'A strazione
[cagna | cagna surgente]![](http://178.128.105.246/content-http-upload.wikimedia.org/wikipedia/commons/thumb/3/33/IAPH_Saca_del_corcho.jpg/220px-IAPH_Saca_del_corcho.jpg)
'A strazione avvene sulo dinto 'o periodo ca va de primme 'e maggio a fine 'e avusto, quanno 'o suvaro se stacca cchiù facilmente senza fa danni 'a chianta.
'A primma scurtecatura 'e na chianta 'e cercola giovane, 'a demaschiatura, se fa quanno 'a chianta tene 25-30 anne e na circunferenza cchiù 'e 60 cm, e se all'ave nu suvero 'e macina ditto suverone o masculo. 'E strazione appress veneno fatte cu intervalle 'e almeno diece anne, comme previsto de normative, ma pure 12-13 se 'o suvero nun è arrevato a nu calibro accettabile, e 'o prudotto ottenuto è ditto suvero gentile e vene ausato, se è 'e qualità bbona, pa fravecazione di mafaro.
Ll'operaje specializzate a scurtecà songhe l'estrattore o scurzine e l'attrezzo 'e fatica è n'accetta affelatissima ca ausano pe ffà nu pare 'e taccheriate: uno deritto attuorno a chianta, chiammato curona o cullana, a n'altezza 'a terra 'e circa 2-3 vvote 'a circunferenza da cercola, e auti dduje o tre (ma pure 'e cchiù se 'a chianta è assaje grossa) verticali ditte righelli o aperture.
Chesta è 'a fase cchiù delicata da fatica pecchè, pure se ce vo parecchia forza cu ll'accetta pe taccherià 'o suvero, s'hadda cercà e nun taccherià pure 'o lignammo 'e sotto, pecchè s'arruvine tutta 'a chianta.
Nu scurzino 'e mestiere sape ausà forza e sensibilità, e cunosce bbuono 'e caratteristiche fiseche do suvero c'hadda caccià pe putè faticà 'e conseguenza.
'A fase successiva è chella do distacco do suvero: 'o maneco d'accetta, che 'mponta tene nu pizzo, vene 'nfilato tra 'o suvero e 'a chianta a partì da 'e righelle, e ausannolo comme leva se riesce a avè diverse purzione 'e suvero, accussì comme tracciate all'accetta.
Chesti purzione veneno chiammate plance e auti operai so 'ncaricate pe cogliere, quase sempe a spalla pecché raramente se riesce a trasì cu nu mezzo 'e trasporto dinto 'e suverete, e ammuntunà addò po venerranno caricate ncoppa 'e camiòn ca 'e portarranno dinto 'o suverificio.[2]