Färöösk
Et färöösk of färougsk (in de språke selv: føroyskt, uutspråke: [ˈføːɹɪst]) is ne noordgermaanske of skandinaviske språke, dee at per 2007 wör esprökken döär ruum 48.000 lüde. Et is eyne van de officiele språken van de Färöer (of: Färougen), een anderen is et däänsk.
Beskryving
[bewark | bronkode bewarken]![](http://178.128.105.246/content-http-upload.wikimedia.org/wikipedia/commons/thumb/7/7e/Faroe_islands_isoglosses.png/200px-Faroe_islands_isoglosses.png)
Et färöösk höyrt med et yslandsk töt de westelike of eilandskandinaviske språken. Färööskspreakers en spreakers van vastelandskandinaviske språken (so as noorsk, sweedsk en däänsk) künnet mekaar nit verstån. Et färöösk wördt eskreaven med et latynske alfabet, wår at verskeidene teykens by sint edån: Á/á, Í/í, Ó/ó, Ú/ú, Ý/ý, Ð/ð (edh), Ø/ø en Æ/æ. De letters c, q, w, x en z wordet nit ebruked.
Den aparten letter edh (ð) wördt up verskeidene wyses uutesprökken. Meysttyds wördt he stil.
Den samenstelling van et färöösk likt völle up et yslandsk. Wat verskillen sint:
- etymologiserende skryvwyse: de skryvwyse van et färöösk wikt slim af van de uutspråke, teagenoaver et yslandsk, dat noch wal up deselvde manere wördt uutesprökken. De skryvwyse wör in 1846 döär V.U. Hammarshaimb vastelegd. Yslanders künnet dårdöär et färöösk wal leasen, mär nit verstån.
- dialekten: färöösk hevt völle dialekten, et yslandsk håste ginne.
- uutspråke: in et färöösk heb y gin dentale frikativen (engelsk th, yslandsk þ) - disse sint net as in et sweedsk, noorsk en däänsk verdweynen.
- purisme: et färöösk hevt net as et yslandsk ne slim beholdende periode had, mär in et färöösk, en vöäral in et esprökkene, sint toch völle däänske leynwöörde in ekümmen.
Uutgånde verwysingen
[bewark | bronkode bewarken]- Websteade van de färööske språkråd
- Føroyskt – Faroese – artikel oaver et färööske språkbeleid (PDF, engelsk)
Indo-europeeske talen > germaanske talen > | ||
noordgermaanske talen: | westgermaanske talen: | oustgermaanske talen: |
däänsk | färöösk | noorsk | norn* | sweedsk | yslandsk | afrikaansk | düütsk | engelsk | freesk | jiddisj | limbörgsk | luxembörgsk | neaderlandsk | sassisk | skotsk | wilmesauersk** | burgondisk* | gotisk* | vandaalsk* | krimgotisk* |
* = uutstorven taal ** = mid uutstarven bedreigd |
![]() |
Dit artikel is eskreaven in et twentsk, in de Nysassiske Skryvwyse. |