Aanten
![](http://178.128.105.246/content-http-upload.wikimedia.org/wikipedia/commons/thumb/b/bf/Anas_platyrhynchos_male_female_quadrat.jpg/220px-Anas_platyrhynchos_male_female_quadrat.jpg)
Aanten sünd Vagels, de to de Familie vun de Aantenvagels (Anatidae) tohören doot. In de Systematik vun de Vagels weert de Unnerfamilien vun Prickelsteertaanten (Oxyurinae) un vun de echten Aanten (Anatinae) Aanten nömmt. Wo wi in de Umgangsspraak meist Aanten to seggt, dat sünd de Grauen Aanten (Anas platyrhynchos). Se höört to dat Geslecht vun de „Aanten an sik“ (Anas), de nu wedder en Deel vun de Swemmaanten utmaakt. Se sünd in Düütschland in Stadt un Land allerwegens tohuse. Blangen de Swemmaanten höört noch de Tribus Malacorhynchini (Rosenohr-, Salvadoriaant), Dükeraanten (Aythyini) un Seeaanten un Saagsnavels (Mergini) to de Anatinae. De Stippelaanten ut Australien seht woll just so ut, as wi us Aanten vorstellen doot, man sünd ut Grünnen vun de Morphologie ehrder verwandt mit de Echten Göse un de Swöne. Liekers weert se Aanten nömmt. Dat kümmt in de Familie vun de Aantenvagels fökener vör. Ok bi de Tribus Merganettini weet Forschers nich for wiss, ob se to de Halfgöse, oder man doch to de Swemmaanten rekent weern mütt. Ok de Piepgöse, de vunwegen ehr Utsehn mank de Aantenvagels vun Forschers as primitiv ankeken weert, erinnert bannig an Aanten un weert vundeswegen in de Engelsche Spraak ok Whistling duck nömmt.
Dat Heken von de Aanten warrt Arpel, Draak, Wedik oder Woort nöömt.
Wo de Aanten leven doot un wat ehre Kennteken sünd
[ännern | Bornkood ännern]Aanten sünd sunnerlich Watervagels, tomeist wat lüttjer, as de Verwandten Swöne un Göse. Se hefft ok en Hals, de wat körter is. Aanten leevt in Sööt- un ok in Soltwater.
Wo de Minschen Aanten for bruken doot
[ännern | Bornkood ännern]De Feddern weert för de Puuch bruukt, besünners de Dunen. De Eier warrt af un an ok to’n Backen bruukt. Dat Fleesch is wat fetter as bi dat Hohn un smeckt fein. Ok de Chinesen hebbt dat mit de Aanten in de Köök. Besünners goot is de Pekingaant, wo de Huut opplustert warrt un besünners kross is. Huusaanten weert allerwegens in'e Landweertschop holen.
Systematik
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/6/6d/Whio_%28Blue_Duck%29_at_Staglands%2C_Akatarawa%2C_New_Zealand.jpg/220px-Whio_%28Blue_Duck%29_at_Staglands%2C_Akatarawa%2C_New_Zealand.jpg)
![](http://178.128.105.246/content-http-upload.wikimedia.org/wikipedia/commons/thumb/3/37/Freckled-Duck-male.jpg/220px-Freckled-Duck-male.jpg)
De Systematik vun de Aantenvagels, de hier unner steiht, hollt sik an Kear, 2005, un böört ok Stippelaanten, Prickelsteertaanten un Halfgöse in den Stand vun Unnerfamilien:
- Unnerfamilie Piepgöse (Dendrocygninae)
- Unnerfamilie Dendrocheninae †
- Unnerfamilie Göse (Anserinae)
- Tribus Swöne (Cygnini)
- Tribus Höhnergöse (Cereopsini)
- Tribus Echte Göse (Anserini)
- Tribus Moa-Nalos (Thambetochenini) †
- Unnerfamilie Stippelaanten (Stictonettinae)
- Unnerfamilie Prickelsteertaanten (Oxyurinae)
- Unnerfamilie Halfgöse (Tadorninae)
- Tribus Merganettini
- Tribus Plectropterini (Sporngoos, Buckelglanzgoos)
- Tribus Tadornini (annere Halfgöse)
- Unnerfamilie Echte Aanten.
- Tribus Malacorhynchini (Rosenohr-, Salvadoriaant)
- Tribus Swemmaanten (Anatini)
- Tribus Dükeraanten (Aythyini)
- Tribus Seeaanten un Saagsnavels (Mergini)
Literatur
[ännern | Bornkood ännern]- Janet Kear (Hrsg.): Ducks, Geese and Swans. Oxford University Press, 2005, ISBN 0-19-854645-9
- Josep del Hoyo u. a.: Handbook of the Birds of the World. 1. Band (Ostrich to Ducks). Lynx Edicions, 1992, ISBN 84-87334-10-5
Kiek ok bi
[ännern | Bornkood ännern]- Huusaant
- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt
Wiktionary: Aanten – Bedüdensverklaren, Woortherkamen, Synonymen, Översetten