Andrew Fielding Huxley
![](http://178.128.105.246/content-http-upload.wikimedia.org/wikipedia/commons/9/95/Andrew_huxley_trinity.png)
Andrew Fielding Huxley, OM (* 22. November 1917 in Hampstead, London; † 30. Mai 2012)[1] weer en engelsch Biophysiker un Physioloog, de 1963 gemeensam mit John Carew Eccles un Alan Lloyd Hodgkin för de „Opdecken över den Ionen-Mechanismus, de sück bi de Erregung un Hemmung in de peripher un zentraal Berieken vun de Nervenzellenmembran afspeelt“ mit den Nobelpries för Physiologie oder Medizin ehrt wurr.
Tosommen mit Alan Lloyd Hodgkin hett he dat Hodgkin-Huxley-Modell entwickelt, en biologisch detailleert Neuronenmodell, dat för de Computational Neuroscience un de Neuroinformatik bedüüdend is.
Gemeensam mit den Swiezer Physioloog un Membranforscher Robert Stämpfli gelung hüm de Eerstbeschrieven vun de saltatorischen Erregungsfortpflanzung an myeliniseerten Nervenfasern.
För sien Leistungen kreeg he vun de britisch Kroon den Order of Merit. 1964 wurr he to’n Liddmaat vun de Düütsch Akademie vun de Natuurforscher Leopoldina – Natschonale Akademie vun de Wetenschapen wählt.[2] Vun de University of Cambridge kreeg he 1978 de Ehrendokterwürde.[3]
He is de Enkel vun den Biologen un Agnostiker Thomas Henry Huxley as ok Halfbröer vun den Biologen un Humanisten Julian Huxley un den Schriever Aldous Huxley.
Huxley weer verheiraadt un harr söss Kinner, een Söhn un fiev Döchter.
Schriften
[ännern | Bornkood ännern]- Das phantastische Leben der Pflanzen.