Animal Farm
![](http://178.128.105.246/content-http-upload.wikimedia.org/wikipedia/commons/thumb/f/fb/Animal_Farm_-_1st_edition.jpg/220px-Animal_Farm_-_1st_edition.jpg)
Animal Farm is en Book vun George Orwell, dat 1945 rutkamen is.
Dat Book vertellt de Geschicht vun de Deerten op en Buurhoff, de en Opstand maakt un dat Leid vun’n Hoff övernehmt. All Deerten op’n Hoff schöölt gliek wesen. Aver gau al billt sik Klassen- un Status-Ünnerscheed twischen de Deerten rut. Dat Book is dormit en Allegorie op de Russ’sche Revolution un den Sozialismus in de Sowjetunion.
Orwell weer Sozialdemokrat un weer 1936 bi’n Spaanschen Börgerkrieg dorbi. Wat he dor beleevt hett un wat in de Sowjetunion ünner Stalin passeert is, dat hett em wiest, dat de Sozialismus de Tyrannei nich afschüddeln kunn un dat de Sozialismus ok sülvst wedder in de Tyrannei föhren kann. Dat hett he in Animal Farm in Form vun en Fabel to’n Utdruck bröcht.
Priesen
[ännern | Bornkood ännern]1996 hett dat Book en Retro Hugo wunnen.
Utgaven
[ännern | Bornkood ännern]Dat Book is in England an’n 17. August 1945 mit’n Ünnertitel A Fairy Story toeerst rutkamen. In de USA is dat Book 1946 ahn den Ünnertitel rutkamen.
Dat Book is ok op Plattdüütsch översett worrn. Eenmal 1995 dör Rainer Kramer un denn noch en tweet Maal 2008 dör Paul Brägelmann.
- Animal Farm up Platt. nadicht dör Rainer Kramer, Bremen 1995, ISBN 3-86108-114-8
- Animal Farm - up ollenborger Platt naovertellt. vun Paul Brägelmann, Vechte 2008, ISBN 978-3-00-024996-9
Films
[ännern | Bornkood ännern]Dat Book is ok twee Maal as Film rutkamen. Dat eerste Maal 1954 as Tekentrick (Animal Farm) un dat twete Maal 1999 as Speelfilm (Animal Farm).