Astrid Vockert
![](http://178.128.105.246/content-http-upload.wikimedia.org/wikipedia/commons/thumb/7/76/Astrid_Vockert_%28Martin_Rulsch%29_2.jpg/220px-Astrid_Vockert_%28Martin_Rulsch%29_2.jpg)
Astrid Vockert (* 27. November 1956 in Sellst) is en düütsche Politikerin von de CDU.
Vockert is 1956 in Sellst boren. Se hett ehr Abitur in Bremerhoben maakt. Na de School hett se op Lehramt för de Sekundarstufe II studeert. Von 1980 bet 1982 weer se Jugendplegerin in Luunst. Denn hett se von 1983 bet 1984 dat Referendariat an dat Gymnasium Bremervöör maakt. Von 1984 bet 1990 weer se as Schoolmeesterin un Sozialpädagogin bi de Kreishandwarkerschop Bremerhoben-Wersermünn anstellt.
Se is Vörsitterin von’n Landsverband von de Volkshoogscholen Neddersassen un Viez-Vörsitterin von’n Neddersassischen Bund för fre’e Utwussenenbildung.
Vockert is 1981 in de CDU rin. Se is Viez-Vörsitterin von’n CDU-Kreisverband Cuxhoben un Vörsitterin von de Froon-Union in’n Bezirksverband Stood.
Vockert is siet 21. Juni 1990 (twölvte Wahlperiood) Maat in’n Landdag von Neddersassen. In de 12. bet 14. Wahlperiood is se över de Landslist in’n Landdag intagen, in de 15. denn över den Wahlkreis Wersermünn un in de 16. un 17. Wahlperiood över den Wahlkreis Ünnerwerser. Von’n 4. März 2003 bet 2013 weer se Viezpräsidentin von’n Landdag. Ans is se ok noch in’n Kultusutschuss.
Se is Maat in’t Präsidium von’n Neddersassischen Städer- un Gemeenbund un Viez-Vörsitterin von’n Verwaltungsraad von de Kreisspoorkass Wersermünn-Hadeln un Maat in’n Kreditutschuss. Se is Vörsitterin von’n parlamentarschen Biraad von’n Fördervereen Pro A 22 e.V.
Weblenken
[ännern | Bornkood ännern]- Vockert ehr Websteed (hoochdüütsch)