Carl-Detlev von Hammerstein
![](http://178.128.105.246/content-http-upload.wikimedia.org/wikipedia/commons/thumb/1/17/KAS-Hammerstein%2C_Charly_von-Bild-3040-1.jpg/220px-KAS-Hammerstein%2C_Charly_von-Bild-3040-1.jpg)
Carl-Detlev Freiherr von Hammerstein (ok Charly von Hammerstein nöömt; * 26. Januar 1938 op Good Bokel) is en düütschen Politiker von de CDU.
Von Hammerstein is 1938 as dat twete von söven Kinner von Ellinor Böcking (4. Juni 1911–26. Mai 2004) un Frithof von Hammerstein-Gesmold (29. April 1902–14. Oktober 1977) op Good Bokel boren. Na de Mittlere Reife hett he en Lehr maakt, mit de he 1961 staatlich prüften Landweert worrn is. 1966 hett he en Meester in Bueree maakt. Von 1964 af an hett he as Buur un Forstweert sülvstännig dat Good Bokel bedreven.
He weer Maat in’n Opsichtsraad von de Landbell AG un Vörsitter von’n Opsichtsraad bi de Concordia-Versekerungsgrupp. Vondaag is he Viezvörsitter von’n Opsichtsraad bi de InCity Immobilien AG.
Von Hammerstein hett in’n Sommer 1968 Lily Gräfin von der Schulenburg ut dat Huus Lodersleben (1937–2015) freet, mit de he dree Kinner harr.
Politik
[ännern | Bornkood ännern]Hammerstein is 1975 in de CDU rin un weer koopteert Maat von de CDU-Kreisverbänn Oosterholt un Veern un von’n CDU-Bezirksverband Stood. Von’n 9. April 1984 bet 1987 un denn wedder von 1990 bet 2002 (teihnte un twölvte bet 14. Wahlperiood) weer he Afornten von’n düütschen Bundsdag. In de teihnte Wahlperiood is he as Narücker för Heinrich Franke in’n Bundsdag kamen. In de twölvte bet 14. Wahlperiood is he denn över de CDU-Landslist in Neddersassen in’n Bundsdag intagen.
Weblenken
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)