Corazon Aquino
![](http://178.128.105.246/content-http-upload.wikimedia.org/wikipedia/commons/thumb/e/e4/Cory_Aquino_during_a_ceremony_honoring_US_Air_Force.jpg/170px-Cory_Aquino_during_a_ceremony_honoring_US_Air_Force.jpg)
![](http://178.128.105.246/content-http-upload.wikimedia.org/wikipedia/commons/thumb/f/f4/Corazon_Aquino_1992.jpg/170px-Corazon_Aquino_1992.jpg)
Corazon Cojuangco Aquino, boren as Maria Corazon Sumulong Cojuangco (* 25. Januar 1933 in Paniqui, Philippinen; † 1. August 2009 in Makati (Metro Manila)) weer van 1986 bit 1992 Präsident vun de Philippinen. Se weer wiethenn as Cory Aquino oder Tante Cory bekannt.
Se wurr as Dochter vun en den de rieksten Familien vun dat Land boren. Hör Studium in de USA hett se mit en BA in Franzöösch afslootenab. Siet 1954 weer se mit den populären Oppositionssenator Benigno Aquino verheiraadt.
As de an’ 21. August 1983 an de Flooghaben Manila bi sien Rückkehr ut dat Exil umbrocht wurr, wurr Corazon Aquino nee Hopnungsdrägerin för de Oppositschoon tegen de Diktatuur vun Ferdinand Marcos. Se övernehm den Vörsitt vun dat Laban-Parteibündniss un is tegen Marcos bi de Wahlen in’ Februar 1986 antreden. Sowohl de Diktater Marcos as ok Aquino hebbt dornah de Ansicht vertreden, dat jeweils se wunnen harrn. Dornah geev dat Unruhen up de Philippinen, bi de dat Militär as ok de USA Marcos nicht mehr ünnerstütt hebbt. Nahdem Marcos an’ 25. Februar in’t Exil in de USA flücht is, övernehm Aquino noch an de sülvige Dag dat Präsidentenamt.
Während hör Präsidentschap wurr en nee Verfaaten verafscheedt un 1988 en Agrarreform dörführt. Noch während hör Amtstied is ok de Militärpräsenz vun de USA beend wurrn. Militärs, de för Marcos weern, hebbt mehrfak versöcht, de Regierung to putschen, wat aber immer nich klappt hett. 1992 hett se togunsten vun Fidel V. Ramos keen Kandidatur för en wiedere Amtsperiood mehr wullt.
An’ 1. August 2009 is Aquino an de Folgen vun en Darmkrebs-Erkrankung storven. De aktuell philippinsche Präsidentin Gloria Macapagal Arroyo, deren Rücktritt Aquino vehement fordert harr, hett hör dornah as «Nationalheiligtum» würdigt un en Staatstruer vun 10 Dag ansett.
Literatur
[ännern | Bornkood ännern]- Robert H. Reid: Corazon Aquino and the Brushfire Revolution, Louisiana St University, 1995
- Jill C. Wheeler: Corazon Aquino, Abdo Pub Co, 1991
Weblinks
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Literatur vun un över Corazon Aquino in de Düütschen Natschonalbökeree
- „Symbolfigur für den Übergang zur Demokratie.“ In NZZ Online van 1. August 2009