David James Thouless
![](http://178.128.105.246/content-http-upload.wikimedia.org/wikipedia/commons/thumb/d/dc/DavidThouless_1995_UW.jpg/220px-DavidThouless_1995_UW.jpg)
David James Thouless (* 21. September 1934 in Bearsden, Schottland; † 6. April 2019 in Cambridge[1]) weer en schottsch Physiker. 2016 wurr hüm de Nobelpries för Physik tospraaken.
Leven
[ännern | Bornkood ännern]Thouless hett 1955 sien Bachelor-Afsluss an de Universität Cambridge maakt, un 1958 sien Doktertitel an de Cornell University ünner Hans Bethe un weer dornah 1958/59 as Postdoc in Berkeley un 1959 bit 1961 an de Birmingham University bi Rudolf Peierls. 1961 bit 1965 weer he Lecturer an de Universität Cambridge. 1965 bit 1978 weer he Perfesser för mathematische Physik in Birmingham, bevör he 1979/1980 Professor of Applied Science an de Yale University un 1980 Perfesser för Physik an de University of Washington in Seattle wurr. Siet 2003 weer he dor Perfesser Emeritus. 1983 bit 1985 weer he Royal Society Research Fellow an de Universität Cambridge.
Wark
[ännern | Bornkood ännern]Thouless hett völ wichtige Bidrääg to de Theorie vun de kondenseerte Materie un Völdeelkentheorie leist. Wiels sien Tiet in Birmingham hett he de Natuur vun de Kosterlitz-Thouless-Övergänge in' XY-Modell ünnersöcht, de Bispelen för topologische Phasenövergänge sind (Övergänge tüschen twee Unordnungsphasen, vun de de een dör Billen vun topologisch Vortex-Anregungen ertüügt wurrd). Buterdem hett he sück mit de Anderson-Lokaliseeren vun Elektronen in ungeordneten Fastkörpern un mit Spin-Glöös befaat. Af den 1980er Johren hett he sück ünner annern mit quantiseerten Vortex-Anregungen in Suprafleetigkeiten un Supraleitern un den Quanten-Hall-Effekt befaat un Anfang vun de 1960er Johren ok mit kollektiv Anregungen in Atomkarns un mit de Theorie vun de Karnmaterie.
Ehrungen
[ännern | Bornkood ännern]- 1973 Maxwell-Medaille
- 1990 Wolf-Pries för Physik
- 1993 Dirac-Medaille
- 2000 Lars-Onsager-Pries
- 2016 Nobelpries för Physik (gemeensam mit John Michael Kosterlitz un Frederick Duncan Michael Haldane)
Thouless weer doröver herut Fellow vun de Royal Society, Fellow vun de American Physical Society, Fellow vun de American Academy of Arts and Sciences un siet 1995 Liddmaat vun de US-amerikaansch National Academy of Sciences.
Schriften
[ännern | Bornkood ännern]- Quantum mechanics of many particle systems. 1961, düütsch Quantenmechanik der Vielteilchensysteme. BI Hochschultaschenbuch, 1961
- Topological quantum numbers in non relativistic physics. World Scientific 1998
- mit John M. Kosterlitz: Ordering, metastability and phase transitions in 2 dimensional systems. In: Journal of Physics C. Band 6, 1973, S. 1181
- Condensed matter physics in less than 3 dimensions. In: Davies: The new physics. 1990
- Introduction to localization. In: Physics Reports. Band 67, 1980, Les Houches Lectures
- Topological considerations. In: Prange und Girvin (Hrsg.): The Quantum Hall Effect. Springer 1990
Weblenken
[ännern | Bornkood ännern]- David Thouless profile in the LANL Daily News Bulletin
- 2000 Lars Onsager Prize Recipient. David James Thouless, University of Washington (Americal Physical Society)
- Thouless u. a. Quantized vortices in superfluids and superconductors 1997
- Biographie bi de APS