Denzil Best
![](http://178.128.105.246/content-http-upload.wikimedia.org/wikipedia/commons/thumb/b/b3/Denzil_Best%2C_Al_Casey%2C_and_John_Levy.jpg/240px-Denzil_Best%2C_Al_Casey%2C_and_John_Levy.jpg)
Fotografie vun William P. Gottlieb.
![](http://178.128.105.246/content-http-upload.wikimedia.org/wikipedia/commons/thumb/6/6f/Bill_Harris%2C_Denzil_Best%2C_Flip_Phillips%2C_Billy_Bauer%2C_Lennie_Tristano%2C_Chubby_Jackson%2C_1947.jpg/240px-Bill_Harris%2C_Denzil_Best%2C_Flip_Phillips%2C_Billy_Bauer%2C_Lennie_Tristano%2C_Chubby_Jackson%2C_1947.jpg)
Fotografie vun William P. Gottlieb.
Denzil DaCosta Best (* 27. April 1917 in New York City; † 24. Mai 1965 ok dor) weer en US-amerikaansch Jazzslagtüüchspeler un -komponist.
Leven un Wark
[ännern | Bornkood ännern]Best, de an Piano, Trompeet un Bass utbild weer, konzentreer sück upgrund vun en Lungschaden af 1943 up dat Drum Set. Tüschen 1943 un 1944 hett he bi Ben Webster arbeit, ansluutend bi Coleman Hawkins (1944/45), Illinois Jacquet (1946) un Chubby Jackson. He speel dor ok mit Musiker vun den Modern Jazz. He weer an en Upnahm mit George Shearing 1948 bedeeligt un wurr 1949 Grünnensliddmaat in de sien Quintett (in dat he bit 1952 bleev). 1949 war he aber ok an wichtig, to’n Deel free improviseerten Upnahmen vun Lennie Tristano mit (Crosscurrents) un hett later ok mit Lee Konitz upnommen. Nah en Autounfall speel he bit 1954 bi Artie Shaw, um denn in dat Trio vun Erroll Garner to arbeiten (1955 bit 1957). Ansluutend speel he mit Phineas Newborn, Nina Simone, Billie Holiday un Tyree Glenn. 1962 weer he noch an de eerste Plaat vun Sheila Jordan bedeeligt. Upgrund vun Lähmungen (man nimmt an dör Aflagerungen in den Gelenken) kunn he denn aber nich mehr arbeiten. He is an de Folgen vun en Trappenstört in en U-Bahn-Statschoon storven.
Anners as de meest Slagtüüchspelers vun de Bebop, de da musikalisch Geschehen mit Akzenten tegen dat Grundmetrum uplaaden un so tosätzlich rhythmisch Intensität schaffen deen, führ Best de all vun „Papa“ Jo Jones anbahnt legato-Entwicklung konsequent wieder. He speel mit dat Metrum, hett meest blots den Jazzbessen bruukt un hett selten luut Akzente sett. Mit disse Speelwies weer he nich blots Vörbild för de Drummer vun den Cool Jazz; se wurr um 1950 ok in nich to tellend Barmusik-Combos kopeert.
Best komponeer eenig relevant Stücken vun den Bebop, de deelwies aber ok in den fröhen Cool Jazz speelt wurrn, „Move“, „Wee“ oder „Dee Dee’s Dance“ as ok vermutlich – gemeensam mit sien Früend Thelonious Monk – „Bemsha Swing“. Sien Kompositschoon „45 Degree Angel“ wurr ok vun Mary Lou Williams un vun Herbie Nichols („Love, Gloom, Cash, Love“, 1957) upnommen.
Lexigraphisch Indrääg
[ännern | Bornkood ännern]- Ian Carr, Digby Fairweather & Brian Priestley. Jazz Rough Guide. Stuttgart: Metzler 1999
- Wolf Kampmann: Reclams Jazzlexikon Stuttgart 2003; ISBN 3-15-010528-5