Fitch Ratings
![](http://178.128.105.246/content-http-upload.wikimedia.org/wikipedia/commons/thumb/9/9d/Fitch_Ratings_logo.svg/250px-Fitch_Ratings_logo.svg.png)
Fitch Ratings is en Ratingagentur mit Firmensitten in New York un London. De Ratingagentur is weltwiet an 51 Standöörd präsent; se beschäftigt 2000 Mitarbeiter. In Düütschland is se in Frankfort an'n Main as Fitch Deutschland GmbH vertreden.
Historie vun dat Ünnernehmen
[ännern | Bornkood ännern]De Grünnen vun dat Ünnernehmen ünner de Firmennaam Fitch Publishing Company weer an' 24. Dezember 1913 dör John Knowles Fitch un 1924 fung de Fitch Publishing Company an Finanzstatistiken ruttogeven. Se weer de eerste Ratingagentur, de de Bewertungsskala vun AAA bit D bruuken dee.[1] 1997 fusioneer dat Ünnernehmen mit dat in London befindlich Ünnernehmen IBCA Limited. Dat Ünnernehmen is een vun söss in Düütschland för de bankupsichtliche Risikogewichtung anerkannt Agenturen.[2]
Fitch Ratings is as Deel vun de Fitch Group en Dochtersellschopp in' Mehrheitsbesitt vun 60 Perzent vun de Fimalac-Holding,[3] de wedderrum mehrheitlich den franzööschen Geschäftsmann Marc Ladreit de Lacharrière hörrt. De anner 40 Perzent vun de Aktien vun de Fitch Group wurrn vun den US-amerikaansch Medienkonzern Hearst Corporation hollen.[4]
Bewertungstätigkeit
[ännern | Bornkood ännern]Fitch Ratings bewert Ünnernehmen un Banken nah hör verapenlicht Tallen un beoordeelt dat Management as ok Staatsanleihen. Fitch Ratings hett en Marktandeel vun 15 Perzent. Se is de lüttste Agentur nah de Standard & Poor’s, de den Weltmarkt mit domineert un Moody’s.
De Bewertung wurrd vun de Updraggevers betallt, se liggt bi 3 bit 4 Basispunkten je Anleihe. Bi de Bewertung vun de Staatsanleihen kann normalerwies kien Reeknung utstellt wurrn.
Ratingagenturen vergeevt blots een Note. Bi en schlecht Bewertung mooten bispeelswies de bewert Staaten för hör Anleihen höhgere Zinsen betallen. De Infloot vun de Notenvergaav is up de Finanzinstitute un up de Apenlichkeit groot un hett wietreckend Folgen up dat Wertschapsgeschehen vun Ünnernehmen, Banken un Staaten.[5]
Weblenken
[ännern | Bornkood ännern]Enkeld Nahwiesen
[ännern | Bornkood ännern]- ↑ fitchratings.com: About Us, angelsch, afropen an' 3. März 2012
- ↑ http://www.bafin.de/cln_152/nn_721290/SharedDocs/Veroeffentlichungen/DE/Service/Auslegungsentscheidungen/Bankenaufsicht/ae__110509__ratingagenturen.html?__nnn=true | titel= Liste der für die bankaufsichtliche Risikogewichtung anerkannten Ratingagenturen samt Mapping der BaFin van' 14. August 2010, afroppen an' 17. August 2011}}
- ↑ http://www.wienerzeitung.at/themen_channel/wirtschaftsservice/geschaeft/427958_Wissen-Wem-gehoeren-die-Ratingagenturen.html, afropen an' 14. Mai 2015
- ↑ http://www.fimalac.com/operations-recentes.html | sprache=fr | titel= Darstellung der jüngeren Firmengeschichte auf fimalac.com, afropen an' 17. August 2011}}
- ↑ Rudolf Hickel: Zerschlagt die Banken, S. 97–105, Econ Verlag, Berlin 2012. ISBN 978-3-430-20141-4