Friedrich Wilhelm Lyra
Friedrich Wilhelm Lyra (* 17. Juni 1794 in Achelriehe; † 16. November 1848 in Ossenbrügge) weer en plattdüütschen Schriever.
Lyra is 1794 in Achelriehe in’t Ossenbrügger Land as Söhn vun’n Pastoor boren. He weer later in de Freeheitskriegen gegen Napolejon un ok in de Slacht vun Waterloo dorbi. As he na Ossenbrügge trüchkeem, is he Registrator bi de Stüür worrn un later in de Justizkanzlei wesen. Lyra schall en recht unsteten Levenswannel hatt un sik jümmer dat Vergnögen hengeven hebben. Dorvun hett he 1844 sien Bahntje verloren un ok mit siene Fro un sien Söhn Justus Wilhelm hett he sik vertürnt.
He hett sik för siene plattdüütsche Moderspraak insett un dat Vördringen vun dat Hoochdüütsche beklagt. He hett sik vör allen uttekent, dat he ole Seggwiesen un Redensoorden opsammelt. Ok ole Volksbrüük hett he veel in siene Warken beschreven un so dat Weten vun jem bewohrt.
Warken
[ännern | Bornkood ännern]- Plattdeutsche Briefe, Erzählungen, Gedichte, u.s.w. Mit besonderer Rücksicht auf Sprichwörter und eigenthümliche Redensarten des Landvolks in Westphalen. Sülvstverlag, Ossenbrügge 1845
- Schnack und Schnurren. Auswahl aus den Schriften von Friedrich Wilhelm Lyra. rutgeven vun Gottfried Kuhlmann, Quickborn-Verlag, Hamborg 1913
Kiek ook bi
[ännern | Bornkood ännern]Weblenken
[ännern | Bornkood ännern]- Friedrich Wilhelm Lyra in de Datenbank Die niederdeutsche Literatur (hoogdüütsch)