Kap-Verde-Escudo
![](http://178.128.105.246/content-http-upload.wikimedia.org/wikipedia/commons/thumb/c/cf/Cape_Verde_-_1992_1000CVE_note_-_back.jpg/220px-Cape_Verde_-_1992_1000CVE_note_-_back.jpg)
![](http://178.128.105.246/content-http-upload.wikimedia.org/wikipedia/commons/thumb/1/17/CVcoins.png/220px-CVcoins.png)
De Kap-Verde-Escudo is de Geldsoort vun de Republiek Kap Verde, en Inselstaat vör de Küst vun Westafrika. Afkört warrt de Geldsoort mit CVEsc, CV Esc oder Cifrão . De offizielle Afkörten na ISO 4217 is CVE. Ünnerdeelt is de Escudo in 100 Centavos.
Kap Verde weer bit 1975 en Kolonie vun Portugal un harr dormols also den Portugeeschen Escudo as Geldsoort. Na de Unafhangigkeit is de Beteken Escudo för de ne’e natschonale Geeldsoort behollen worrn. In dat Johr 1998 is de Kap-Verde-Escudo fast an den portugeeschen Escudo koppelt worrn un somit 1999 ok an den Euro. De Ümtuuschkurs is siet de Tiet mit 1 EUR = 110,265 CVE oder 100 CVE = 0,906906 EUR fastleggt.
Grötten
[ännern | Bornkood ännern]Den Kap-Verde-Escudo gifft dat as Münten un as Geldschiens. Vun de Münten gifft dree verschedene Regen, de op de een Siet Motiven vun Deerten, Planten un Scheep wiesen doot. Münten gifft dat dorvun in de Weerten 5, 10, 20, 50 un 100 Escudos. Butendem gifft dat en Münt to 1 Escudo, de en Seeschildkrööt wiest, dat Natschonaldeert vun den Inselstaat. Papeergeld gifft dat in de Weerten 100, 200, 500, 1000, 2000 un 5000 Escudos.