Katja Riemann
![](http://178.128.105.246/content-http-upload.wikimedia.org/wikipedia/commons/thumb/b/b3/Katja_Riemann_Berlinale_2010.jpg/220px-Katja_Riemann_Berlinale_2010.jpg)
Katja Hannchen Leni Riemann (* 1. November 1963 in Karkweyh) is en düütsch Schauspelerin un Singerin.
Leven
[ännern | Bornkood ännern]Riemann is de Dochter vun en Mesterehepaar un hett twee Geschwister: Jochen, Sport- un Kunstlehrer aan dat Wiedtal-Gymnasium Neustadt un buterdem noch Musiker un Schriever,[1] un Susanne, Kunstlehrerin an de Humboldtschule Hannover un Illustratorin vun Kinnerböker.[2][3] Se is in Karkweyh bi Bremen upwussen un verbroch de eerst 20 Levensjohren in Norddüütschland.
Nah dat Abitur an de Kooperative Gesamtschool (KGS) Leeste 1983 studeer se in Hamborg en Semester Danzpädagogik, dornah hett se van 1984 bit 1986 de Hochschule für Musik und Theater Hannover un van 1986 bit 1987 de Otto-Falckenberg-Schule in München besöcht. Wiels hör dart Semester in Hannover kreeg se hör eerst Filmrull. Se hospiteer an dat Westfäälsch Landstheater in Castrop-Rauxel un keem noch vör Enn' vun hör Utbillen to dat Ensemble vun de Münchner Kammerspiele.
Van 1990 bit 1998 leev se mit Peter Sattmann tosommen, de se bi de Dreiharbeiten to den Feernsehfilm Von Gewalt keine Rede kennen lehrt harr un mit de se all tosommen negen Feernseh- un Kinofilme dreiht hett.[4] In' August 1993 wurr de gemeensam Dochter Paula Riemann boren. To Tiet is se mit den Bildhauer Raphael Alexander Beil tosommen.[5]
Theater
[ännern | Bornkood ännern]Tüschen 1987 un 1989 speel Riemann an de Münchner Kammerspielen ünner annern de Blinde in Botho Strauß sien Besucher, Ismene in Jean Racine sien Phaedra un Galy Gays Frau in dat Bertolt Brecht -Stück Mann ist Mann. Tüschen 1990 un 1992 harr se en Engagement an dat Schillertheater Berlin mit Rullen in Die Räuber (Regie: Alexander Lang), Die Ratten un in Weekend im Paradies. Anfang 2007 speel se in dat Maxim-Gorki-Theater in Berlin in dat Stück Sex Stadt Beziehungen de Hööftrull, Regie führ Amina Gusner. Van November 2007 bit Februar 2008 speel se de Hööftrull in dat Tolstoi-Stück Anna Karenina, mit dat se dör Düütschland un de Swiez up Tournee gung. 2008 speel se neben Jasmin Tabatabai un Nicolette Krebitz de Rull vun de Olga in dat Stück Drei Schwestern (nah Anton Pawlowitsch Tschechow).
![](http://178.128.105.246/content-http-upload.wikimedia.org/wikipedia/commons/thumb/9/98/Katja_Riemann_-_Kirchentag_Cologne_2007_%287122%29.jpg/220px-Katja_Riemann_-_Kirchentag_Cologne_2007_%287122%29.jpg)
Musik
[ännern | Bornkood ännern]Katja Riemann hett mehrere Musikalben rutbrocht. 1997 weer se up den Soundtrack vun den Film Bandits to hören. 2000 keem hör Solo-Debüt Nachtblende herut, en Pop-Album mit düütsch Texten, de överweegend vun hör schreeven wurrn sünd. 2003 folg dat engelschspraakig Jazz-Album Favourites mit dat Katja Riemann Oktett. 2004 geev dat Ein Stück vom Himmel mit Leeder vun jöödsch Komponisten vun de 1920er un 30er Johren, tosommen mit Anika Mauer, Natalia Wörner, Imogen Kogge, Burghart Klaußner un Max Hopp. Dorup singt se de Songs Sexappeal, Der Mensch muss eine Heimat haben und Monotonous Nights.
In' Dezember 2006 gasteer se mit Johannes Heesters in mehreren Vörstellungen as Solistin vun dat Konzertprogramm Stars go swing vun de Big-Band The Capital Dance Orchestra in den Berliner Admiralspalast. Bi den 31. Evangeelschen Karkendag in' Juni 2007in Köln is se bi en Konzert vun de Musikgrupp Brothers Keepers as Singerin uptreden.[6]
Sozial Insetten
[ännern | Bornkood ännern]Katja Riemann sett sück för Minschenrechte un in den Kamp gegen Kinnerarmoot, Kinnerhannel un dat Besnieden vun jung Deerns in Afrika in. Ünner annern ünnerstütt se UNICEF, Amnesty International, de Organisatschoon ONE[7] un Cinema for Peace. Se wurr todem in den „Innovationsbeirat“ vun dat Bundsministerium för wertschapliche Tosommenarbeit un Entwicklung beropen.[8] För hör Insatz kreeg se 2010 dat Bundsverdeenstkrüüz an' Bande.[9]
Filmografie (Utwahl)
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/b/ba/Katja_Riemann.5071.jpg/170px-Katja_Riemann.5071.jpg)
Hörböker
[ännern | Bornkood ännern]- 2005: Fay Weldon, Die Teufelin (mit Mechthild Großmann), Patmos audio, ISBN 978-3-491-91192-5, inkört, 4 CDs, 332 Min.
- 2006: David McKee, Du hast angefangen! Nein, du! ... Geschichten vom Streiten und Vertragen, Sauerländer audio, ISBN 978-3-411-80881-6, nicht kört, 1 CD, 57 Min.
- 2007: Kathy Reichs, Knochen zu Asche, Random House Audio Köln, ISBN 978-3-86604-708-2, inkört, 6 CDs, 427 Min.
- 2008: Kathy Reichs, Der Tod kommt wie gerufen, Random House Audio Köln, ISBN 978-3-86604-894-2, inkört, 6 CDs, 446 Min.
- 2011: Dora Heldt, Ausgeliebt, Random House Audio Köln, ISBN 978-3-8371-0885-9, inkört, 3 CDs
Utteknungen
[ännern | Bornkood ännern]- 1988: Adolf-Grimme-Pries mit Gold för Sommer in Lesmona (tosommen mit Reinhard Baumgart, Peter Beauvais un Herbert Grönemeyer)
- 1990: Golden Kamera (Lilli-Palmer-Gedächtniskamera – Best Nahwussschauspielerin) för Regina auf den Stufen
- 1992: Golden Kamera för Von Gewalt keine Rede
- 1994: Bayerischer Filmpries (Dorstellerpries) för Abgeschminkt un Ein Mann für jede Tonart
- 1994: DIVA-Award
- 1994: Bambi as Best Dorstellerin in Der bewegte Mann
- 1996: Düütsch Filmpries för Stadtgespräch.
- 1996: Bayerischer Filmpries (Dorstellerpries) för Stadtgespräch un Nur über meine Leiche
- 1997: Nero-Filmpries för de „Beste weibliche Hauptrolle“ in Nur aus Liebe
- 1997: Berliner Bär (B.Z.-Kulturpries) för Die Apothekerin
- 1997: Ernst-Lubitsch-Pries
- 1998: Bayerischer Filmpries för Bandits (Beste Musik in' Film)
- 1998: Düütsch Filmpries as „Beste Dorstellerin“ för Die Apothekerin un Bandits
- 1999: Málaga-Filmfestival: „Beste Dorstellerin“ (Die Apothekerin)
- 2003: Coppa Volpi bi de Filmfestspelen vun Venedig 2003 för Rosenstrasse (Beste Hööftdorstellerin)
- 2004: Düütsch Filmpries (Beste Nebendorstellerin in Agnes und seine Brüder)
- 2007:Pries för Schauspeelkunst bi dat Festival des deutschen Films
- 2007: Bambi in de Kategorie „Film national“ för Das wahre Leben un Ein fliehendes Pferd
- 2009: Premio Bacco för hör Levenswark
- 2009: Adolf-Grimme-Pries för Das wahre Leben
- 2010: Bremer Stadtmusikantenpries
- 2010: Bundsverdeenstkrüüz an' Bande[9]
- 2015: Afdruck bi Beröhmt Hann’n in Wittmund
Literatur
[ännern | Bornkood ännern]- Katharina Blum: Katja Riemann. Mit Charme und Power, Heyne, München 1998, ISBN 3-453-14056-7
Weblenken
[ännern | Bornkood ännern]- Katja Riemann in de Internet Movie Database (engelsch)
- DNB-Katalog
- Offizielle Websteed vun Katja Riemann
- Katja Riemann bi hör Schauspeelagentur
- Katja Riemann bi filmportal.de
- Interview (Mai 2011)
Enkeld Nahwiesen
[ännern | Bornkood ännern]- ↑ Lehrerinnen und Lehrer des Wiedtal-Gymnasiums 2012
- ↑ Susanne Riemann hör Publikatschonen luut DNB
- ↑ humboldtschule.de: 25 Jahre Kunst AG - Die Kunst AG feiert in diesem Jahr 2009 ein Jubiläum 25 Jahre Kunst AG unter der Leitung von Susanne Riemann November 2009
- ↑ Biografie to Katja Riemann
- ↑ "Ich bin momentan verliebt" morgenpost.de, 11. Juni 2011, afropen an' 20. Mai 2015
- ↑ FAZ: Kirchentag in Köln: „Ich bin Afrikaner – ich bin euer Bruder“
- ↑ Tagesspiegel: Katja Riemann macht sich für Afrika stark
- ↑ Websteed vun dat Ministerium: Der Innovationsbeirat – "Impulse für neue Ideen"
- ↑ a b Ordensverleihungen zum Tag der Deutschen Einheit, Pressemitdeelenvun dat Bundspräsidialamt van' 4. Oktober 2010, afropen an' 20. Mai 2015