Léon Scieur
![](http://178.128.105.246/content-http-upload.wikimedia.org/wikipedia/commons/thumb/9/9d/L%C3%A9on_Scieur.jpg/220px-L%C3%A9on_Scieur.jpg)
Léon Scieur (* 19. März 1888 in Florennes; † 7. Oktober 1969 ok dor) weer en belgisch Radrennfohrer.
Karriere
[ännern | Bornkood ännern]Scieur fung sien Profi-Karriere 1913 an, bi de Tour de Belgique kunn he de söbente Deelstreck winnen un keem insgesamt up den veerten Platz. In dat Johr dorup keem he bi de Belgien-Rundfohrt up den fievten Platz un bi de Tour de France up Platz 14. Wegen den Eersten Weltkrieg kunn he sien Loopbahn eerst 1919 fortsetten.
1919 belegg he den veerten Rang bi de Tour de France, wobi he eenmal Tweet un veermal Dart bi de eenzelt Deelstrecken wurr. 1920 wunn Scieur den Fröhjahrsklassiker Lüttich-Bastogne-Lüttich. Bi de Tour de France kunn he de elfte Deelstreck up sien Naam schrieven, wurr bi twee Deelstrecken Dart un keem in de Gesamtwertung, as in dat Vörjohr ok, up den veerten Platz.
In dat Fröhjohr 1921 belegg Scieur den darten Platz bi Paris–Roubaix. Sien gröttste Erfolg weer för Scieur de Sie bi de Tour de France 1921. Dorbi övernehm he all up de tweet Deelstreck de Führung in de Gesamtwertung un geev de bit in dat Teel in Paris nich weer af. Bi disse Tour kunn he noch twee Deelstrecken winnen, dorto keemen tweemal Platz 2 un veermal Platz 3.
In de folgen dree Johren hett Scieur bi de Tour de France jewiels upgeven. 1922 reck he mit den fievten Platz sien best Platzeeren bi de belgisch Landsmeesterschap. 1923 keem he up den darten Platz bi de Champagne-Rundfohrt un up Platz 5 bi Lüttich–Bastogne–Lüttich. 1925 belegg Scieur Rang 15 bi den Harvstklassiker Paris–Tours. Dornah weer sien Profiloopbahn to Enn'.
Palmarès
[ännern | Bornkood ännern]Literatur
[ännern | Bornkood ännern]- Pascal Sergent, Guy Crasset, Hervé Dauchy: Mondial Encyclopedie Cyclisme. Band 3 P-Z herutgeven 2000 vun de UCI ISBN 90-74128-74-2