Louis Mottiat
![](http://178.128.105.246/content-http-upload.wikimedia.org/wikipedia/commons/thumb/f/f4/Louis_Mottiat.jpg/170px-Louis_Mottiat.jpg)
Louis Mottiat (* 6. Juli 1889 in Bouffioulx; † 5. Juni 1972 in Gilly) weer en belgisch Radrennfohrer.
Louis Mottiat weer vör un nah den Eersten Weltkrieg as Radsportler spoodriek. 1910 wunn he Brüssel-Paris, 1911 Paris-Calais, 1913 Bordeaux–Paris as ok 1914 Paris–Brüssel un de Belgien-Rundfohrt.
Nah den Krieg wunn Mottiat 1920 dat Critérium des As un ok weer de Belgien-Rundfohrt. Tweemal, 1921 un 1922, kunn he dat Rennen Lüttich-Bastogne-Lüttich as ok 1924 Paris–Tours för sück entscheeden. Buterdem is he 5 Mal bi de Tour Tour de France antreeden un hett dorbi 8 Deelstrecken wunnen. Sien best Gesamtplatzeeren bi de Tour weer 1921 mit Platz 11.
Louis Mottiat weer för sien Utdüerqualitäten bekannt. As he 1920 de eerste Utdragen vun dat 1208 Kilometer lang Radrennen Criterium des As för sück entscheeden dee, dat vun Bordeaux nah Paris un torüch nah Bordeaux führen dee, bedroog sien Fohrtiet 56 Stünn un 43 Minüüt. Dormit harr he en Vörsprung vun 1 Stünn un 43 Minüüt up den Tweetplatzeerten.