Luděk Pachman
![](http://178.128.105.246/content-http-upload.wikimedia.org/wikipedia/commons/thumb/d/d1/Lud%C4%9Bk_Pachman_1972.jpg/220px-Lud%C4%9Bk_Pachman_1972.jpg)
Luděk Pachman (* 11. Mai 1924 in Bělá pod Bezdězem; † 6. März 2003 in Passau) weer en tschechisch-düütsch Schachspeler.
Schachloopbahn
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/c/c1/PachmanLudek.jpg/220px-PachmanLudek.jpg)
Sien internatschonales Debüt geev he bi dat Turnier in Prag 1943, dat vun Weltmeester Alexander Alexandrowitsch Aljechin wunnen wurr. Pachman keem up den teihnten Platz. Tüschen 1946 un 1966 wurr he söben Mal Landmeester vun de Tschechoslowakei. 1950 wurde er Internationaler Meister, 1954 Großmeister.[1]
1947 hett he sück in dat Zonenturnier Hilversum dör sien deelten tweeten Platz för dat Interzonenturnier qualifizeert, wo he 1948 in Saltsjöbaden Platz 17 (ünner 20 Deelnehmer) belegg. Dat Zonenturnier 1951 in Marienbad un Prag hett he vör László Szabó wunnen, so dat he ok an dat Interzonenturnier 1952 in Saltsjöbaden deelnehmen kunn, bi dat he den deelten 11. bit 13. Platz recken dee. 1955 nehm he an dat Interzonenturnier in Göteborg deel un keem up en deelten 10. bit 11. Platz. 1957 wunn he dat Zonenturnier in Dublin mit 14,5 Punkten ut 17 Partien (vör Pál Benkő, Svetozar Gligorić, Lothar Schmid un annern. Bi dat Interzonenturnier 1958 in Portorož verpass he up Platz 7 mit 11,5 Punkten ut 20 Partien blots knappe de Qualifikatschoon för dat Kandidatenturnier.
![](http://178.128.105.246/content-http-upload.wikimedia.org/wikipedia/commons/thumb/a/af/Glicoric_Pachmann_Oberhausen_1961-06-24.jpg/330px-Glicoric_Pachmann_Oberhausen_1961-06-24.jpg)
![](http://178.128.105.246/content-http-upload.wikimedia.org/wikipedia/commons/thumb/2/24/Pachmann_1961_Oberhausen.jpg/220px-Pachmann_1961_Oberhausen.jpg)
Pachman nehm van 1952 bit 1966 an all acht Schacholympiaden mit de Tschechoslowakei deel un speel bi de Schacholympiade 1976 in Haifa för Düütschland.[2] He hett an dree Mannschapseuropameesterschapen]] deelnommen, 1957 un 1961 för de Tschechoslowakei, 1977 för Düütschland. Mit de tschechoslowaaksch Mannschap reck he 1957 den darten Platz, in de Eenzelwertung wunn he 1977 an dat fiefte Brett.[3]
Nah sien Utreis nah Düütschland 1972 speel he bi de Solinger SG 1868. 1974 is he nah Berlin wesselt, to’n SC Kreuzberg[4], för den he in de veergleisig 1. Bundsliga insgesamt 18 Wettkämpe bestreeden hett[5]. 1978 wunn he de Meesterschap vun de Bundsrepubliek Düütschland in Bad Neuenahr vör Ralf Lau, Harald Lieb un Peter Dankert.[6] 1975 harr he all den 2. Platz achter Walter Shawn Browne aber vör Raymond Keene, Hans-Günther Kestler, Bruno Parma un Gennadi Sosonko bi de Internationalen Deutschen Meisterschaft in Mannheim beleggt.[7]
Van 1985 bit 1989 hett he an dat Schachgymnasium Altensteig ünnerricht. Tietwies hett he in de Böverliga för Thallichtenberg speelt. In de Saison 1995/96 speel he in de 1. Bundsliga för den SK Passau. In de tschechisch Extraliga speel he van 1992 bit 1997 för den ŠK Vyšehrad[8], mit den he ok an den European Club Cup 1992 deelnommen hett.[9]
He hörr to de wenig Schachspeler, de en utgleeken Bilanz gegen Bobby Fischer upwiesen kunnen: 2 Siege, 2 Nedderlagen un 4 Unentscheeden.
Sien best historsch Elo-Talll weer 2695 in’n Dezember 1959, womit he de Nummer 14 vun de Welt weer. Sien hööst Elo-Tall weer 2520 in’n Januar 1976. Dree Johr vör sien Dood hett he an de Schachweltmeesterschap vun de Senioren 1999 in Gladenbach deelnommen, wo he aber blots up Platz 91 keem.[10] Jānis Klovāns wunn disse Weltmeesterschap.
Politisch Leven
[ännern | Bornkood ännern]Oorsprünglich weer Pachman övertüügt Marxist, wurr aber later to’n Dissidenten un to’n bekennend Katholiken. 1940 keem he all wegen en Studentendemonstratschoon in Haft. Wegen sien regimekritischen Verhollen wiels den Prager Frühling wurr he in’n August 1969 för 18 Maand in Haft nommen. In’n Januar 1972 wurr he weer to en Haftstraaf veroordeelt, drüff aber nah Vermittlung dör den Weltschachbund FIDE in den Westen utreisen un leet sück in Düütschland daal. An’n 21. Oktober 1975 kreeg he de düütsch Staatsangehörigkeit, sietdem schreev he sien Naam Pachmann. He hett sück politisch för Franz Josef Strauß, Hans Filbinger un tietwiese för de Konservative Aktion insett.
Wegen sien antikommunistisch Instellung wurrn Turniere, an de he deelnehmen dee, vun sowjeetsch Spelern boykotteert. Sien Club, de Solinger SG 1868, hett dat dörgahn laaten. Pachman wurr beeden, up sien Deelnahme an dat Turnier 1974 in Solingen to verzichten.[11] Doruphen hett hüm Hartmut Röseler, de stellvertreedend Börgermeester un Volksbildungsstadtraat vun Berlin-Charlottenburg, 1974 nah Berlin haalt. He hett de „Freie Gesellschaft zur Förderung der Freundschaft mit den Völkern der Tschechoslowakei“ grünnd, de ünner annern för Liddmaaten vun de Charta 77 dringend nödig Medikamente in de ČSSR schmuggeln dee. Luděk Pachman weer Vörsitter, Hartmut Röseler stellvertreedend Vörsitter vun de Sellschopp. Enn’n 1989 wurr he in Tschechien rehabiliteert. Doruphen is he bit 1998 in sien Heimat torüchkehr, dornah geev he de tschechische Staatsangehörigkeit up un is endgültig nah Düütschland översiedelt.
Anspeeltheoretiker
[ännern | Bornkood ännern]Pachman gull as bedüüdend Theoretiker up dat Rebeet vun de Anspelen un vun dat Mittelspeel un schreev völ Schachböker.
Schachkompositschoon
[ännern | Bornkood ännern]Pachman hett eenige Dutzend Studien herutbrocht, vörwegen in jung Johren.
Privat
[ännern | Bornkood ännern]He weer siet den 6. September 1946 mit Eugenie (1925–2011) verheiraadt. He leev toletzt in Hutthurm bi Passau. Sien Graffstäe befinnd sück aber in Straßkirchen bi Passau, wo he ok eenige Johren leevt hett. Pachman harr en söss Johr ölleren Bröer, den bekannten Schachkomponisten Vladimír Pachman.
Publikatschonen
[ännern | Bornkood ännern]- Der Titelkampf. Fischer - Spasskij. Rau-Verlag, Düsseldörp un Kempten 1972.
- Jetzt kann ich sprechen. Ein Tatsachenbericht. Rau-Verlag, Düsseldörp 1973.
- Gott läßt sich nicht verbannen. Herder-Verlag, Freiburg i.Br. 1974.
- Checkmate in Prague: memoirs. Faber and Faber, London 1975. ISBN 0-571-10395-2.
- Laßt die Hoffnung nicht sterben! Herder-Verlag, Freiburg 1976. ISBN 3-451-07549-0
- Zug um Zug. Ein Leben zwischen Schach und Politik. Herder-Verlag, Freiburg i.Br. 1982.
- Entscheidungspartien. Rau-Verlag, Düsseldörp 1975.
- Meine 100 besten Partien und meine Probleme. Rau-Verlag, Düsseldörp 1978. ISBN 3-7919-0175-3.
- Moderne Schachstrategie. 3 Bände. Rau-Verlag, Düsseldörp 1975–1977.
- Moderne Schachtaktik. 2 Bände. Schach-Archiv, Hamborg 1976–1978.
- Moderne Schachtheorie. 3 Bände. Sportverlag, Berlin 1956. (tallriek Neeuplagane)
- Schach WM '78. Kortschnoi / Karpov. Mit V.Kortschnoi. Rau-Verlag, Düsseldörp 1979.
- Was in Prag wirklich geschah. Illusionen und Tatsachen aus der Ära Dubcek. Verlag Herder, Freiburg im Breisgau 1978.
- 20 Lektionen Schach. Ein Lehrbuch für Anfänger. Heyne-Verlag, München 1984.
- Karpow gegen Kasparow. Schach-WM'84. Heyne-Verlag, München 1985.
- Wie überliste ich meinen Gegner? Psychologie und Tricks im Schach. Heyne-Verlag, München 1985, ISBN 3-453-41653-8.
Enkeld Nahwiesen
[ännern | Bornkood ännern]- ↑ Willy Iclicki: FIDE Golden book 1924-2002. Euroadria, Slovenia, 2002, S. 87 und 74.
- ↑ Ludek Pachman sien Ergevnisse bi Schacholympiaden up olimpbase.org (engelsch)
- ↑ Ludek Pachman sien Ergevnisse bi Mannschapseuropameesterschapen up olimpbase.org (engelsch)
- ↑ IGM L. Pachman wird Spielertrainer beim SCK in Kreuzqualle September 1974, S. 4ff. (PDF; 2,2 KB)
- ↑ Johannes Eising, Karl-Heinz Podzielny, Gerd Treppner: Schach-Bundesliga 1974-80, Bamberger Schachverlag, Bamberg 1981, ISBN 3-923113-00-5, Siet 104.
- ↑ 58. Deutsche Schacheinzelmeisterschaft 1978 in Bad Neuenahr up TeleSchach (Krüüztabell un Partien)
- ↑ 56. Deutsche Schacheinzelmeisterschaft 1975 in Mannheim up TeleSchach (Krüüztabell un Partien)
- ↑ Ludek Pachman sien Ergevnisse in de Extraliga up olimpbase.org (engelsch)
- ↑ Ludek Pachman sien Ergevnisse bi European Club Cups up olimpbase.org (engelsch)
- ↑ 9. Weltmeisterschaft der Senioren und Seniorinnen up TeleSchach vun Gerhard Hund, de Platz 49 belegg.
- ↑ Internationales Turnier 1974 in Solingen up TeleSchach (Tabell un Partien)