Mohammed
![](http://178.128.105.246/content-http-upload.wikimedia.org/wikipedia/commons/thumb/9/98/Mohammed.jpg/220px-Mohammed.jpg)
Mohammed oder Muhammad, med vullen Namen Abū l-Qāsim Muhammad ibn ʿAbd Allāh ibn ʿAbd al-Muttalib ibn Hāschim ibn ʿAbd Manāf al-Quraschī ( araabsch: أبو القاسم محمد بن عبد الله بن عبد المطلب بن هاشم بن عبد مناف القرشي, DMG Ab�� l-Qāsim Muḥammad b. ʿAbdallāh b. ʿAbd al-Muṭṭalib b. Hāšim b. ʿAbd Manāf al-Qurašī; * twuschen 570 u. 573 in Mekka; † an'n 8. Juni 632 in Medina), hett de Religion vun den Islam grünnt.
In den Islam warrt he as Prophet (nabī) un as Gott sien Gesandten (rasūl Allāh) ankeken. Na de Lehr vun den Islam is em Gott (Allah) sien Woort kunnig maakt wurrn. Upschreven steiht dat in den Koran. In den Koran warrt he „De Propheten ehr Segel“ (araabsch: خاتم النبيين, DMG ḫātam an-nabiyyīn, Sure 33, Vers 40) nömmt.[1] Dat is so to verstahn, dat he de leste vun all Propheten ween is, de Gott mank de Minschen hett upkamen laten. De frame Moslem hett de Plicht un mutt jummers, wenn Mohammed nömmt warrt, de Eulogie Sallā Llāhu ʿalaihi wa-sallam (araabsch: صلى الله عليه وسلم, DMG ṣallā Llāhu ʿalaihi wa-sallam, „Gott geev em Segen un schenk em Heel“) upseggen. Düsse Formel warrt Tasliya nömmt. Vunwegen datt he as unfehlbor ankeken warrt (ʿIsma), schöllt all Moslems sik in ehr Leven dornah richten, wie Mohammed sülms leevt hett (Sunna), so as dat in de Hadithe vertellt warrt.
Weblenken
[ännern | Bornkood ännern]- Warken vun Mohammed in’n Projekt Gutenberg-DE
- Mohammed in’n Internet Archive
- Muhammad in: Oxford Islamic Studies Online
Belege
[ännern | Bornkood ännern]- ↑ Uri Rubin: The Seal of the Prophets and the Finality of Prophecy. On the Interpretation of the Qurʾānic Sūrat al-Aḥzāb(33). In: Zeitschrift der Deutschen Morgenländischen Gesellschaft (ZDMG), Band 164 (2014), S.65-96