No Doubt
![](http://178.128.105.246/content-http-upload.wikimedia.org/wikipedia/commons/thumb/6/6d/NO_DOUBT_327b_Brian_McCauley.jpg/220px-NO_DOUBT_327b_Brian_McCauley.jpg)
No Doubt [ˌnoʊ ˈdaʊt] (engl. för „keen Twievel“) is en US-amerikaansche Rockgrupp mit Ska-, Punk- un New-Wave-Inwirken.
Historie vun de Musikgrupp
[ännern | Bornkood ännern]De Grupp No Doubt is in’t Johr 1986 in Anaheim, Orange County (Kalifornien) vun den Singer John Spence, Eric Stefani un den sien Süster Gwen Stefanie as en Madness-Covergrupp grünnt worrn. Twee Johren later, 1988, harr Spence en Suizidversöök maakt. Dorna hett toeerst Alan Meade dat Singen övernahmen un wenig later denn Gwen Stefanie, de siet Grünnen in’n Background sungen harr[1]. De Ballade Dear John is den Mitgrünner todacht, de doodbleven is. 1994/95 hett sik Eric Stefani ut de Grupp torüchtagen, vun wegen dat he nich mehr mit den musikaalschen Weg inverstahn weer, den de Grupp inwtüschen inslahn harr. Siet de Tiet arbeit he as Teekner för de Tekentrickreeg The Simpsons.
To Anfang weer No Doubt en Ska-Grupp, de vör allen in jemehrn Heimatstaat Kalifornien Spood harr. Buten vun Kalifornien sünd se denn bekannt worrn as Vörgrupp vun de britischen Band Bush. Later keem en Stilwessel hen to en Mischen ut Ska, Popmusik un New Wave. As de Newpunk jümmer mehr opkamen de, harrn se mit jemehr Album Tragic Kingdom (1995) internatschonal groten Spood. Mit dat Album bleven se mehrere Weken op’n eersten Platz vun de Billboard-Charts. De Single Don’t Speak, de ut dat Album utkoppelt weer, hett sik weltwiet ruchweg söven Millionen mol verköfft. Ok Just A Girl weer jüst so populär.
Mit de nafolgen Alben Return Of Saturn (2000) un Rock Steady (2001) künn de Grupp in Düütschland nich wedder an den Spood vun Tragic Kingdom rankamen. in de Charts sünd se dormit blots in’t Middelfeld lannt. In de USA hebbt se mit dat Reggae-Leed Underneath It All en wieteren Platz-1-Hit hatt. Butendem weer Gwen Stefani jümmer wedder mol in de Klatschpresse to finnen, wodör de Grupp ok wieter in de Köpp vun de Lüüd bleef. De Grupp hett sik 2004 oplöst, keem 2008 aver wedder tosamen.
Dat eerste Best-Of-Album keem in’t Johr 2003 ünner den Titel The Single 1992-2003 op’n Markt. In de Twüschentiet weer No Doubt mit Gruppen as U2, Kiss, blink-182 un Sublime ünnerwegens un hett op ruchweg 650 Konzerten speelt. No Doubt hett mehr as 24,5 Millionen Alben verköfft, dorünner alleen 15 Millionen mol Tragic Kingdom.
Opstunns (Februar 2011) arbeit de Grupp an en nee Studioalbum, dat den Titel Happy hebben schall.
Diskografie
[ännern | Bornkood ännern]Studioalben
[ännern | Bornkood ännern]Johr | Titel | Plätz in de Charts | ||||
---|---|---|---|---|---|---|
DE[2] | AT[3] | CH[4] | UK[5] | US[6] | ||
1992 | No Doubt | - | - | - | - | - |
1995 | The Beacon Street Collection | - | - | - | - | - |
1996 | Tragic Kingdom | 2 | 2 | 3 | 4 | 1 |
2000 | Return Of Saturn | 5 | 18 | 8 | 31 | 2 |
2001 | Rock Steady | 13 | 12 | 33 | 43 | 9 |
Singles
[ännern | Bornkood ännern]Johr | Titel | Plätz in de Charts | Anmarken | ||||
---|---|---|---|---|---|---|---|
DE[7] | AT[8] | CH[9] | UK[5] | US[10] | |||
1996 | Just A Girl Tragic Kingdom |
24 | 21 | 31 | 3 | 23 | – |
Don’t Speak Tragic Kingdom |
2 | 2 | 1 | 1 | - | – | |
1997 | Spiderwebs Tragic Kingdom |
- | - | - | 16 | - | – |
Sunday Morning Tragic Kingdom |
- | - | - | 50 | - | – | |
1999 | New Return Of Saturn |
- | - | - | 30 | - | – |
2000 | Bathwater Return Of Saturn |
73 | - | 42 | 17 | - | Re-Release 2004; UK: as Dubbel-Single mit It’s My Life rutkamen |
Ex-Girlfriend Return Of Saturn |
34 | - | 19 | 23 | - | – | |
Simple Kind Of Life Return Of Saturn |
- | - | - | 69 | 38 | – | |
2001 | Hey Baby Rock Steady |
8 | 12 | 11 | 2 | 5 | (feat. Bounty Killer) |
2002 | Hella Good Rock Steady |
46 | 44 | 78 | 12 | 13 | – |
Underneath It All Rock Steady |
42 | 34 | 54 | 18 | 3 | (feat. Lady Saw) | |
Running Rock Steady |
55 | - | - | - | 62 | – | |
2003 | It’s My Life The Singles 1992–2003 |
9 | 12 | 12 | 17 | 10 | UK: ok as Dubbel-Single mit Bathwater rutkamen |
Utteken (Utwahl)
[ännern | Bornkood ännern]- Grammy Awards:
- 2003: för Hey Baby (mit Bounty Killer)
- 2004: as Beste Pop-Performance vun en Duo oder Grupp mit Singersche (Underneath It All) (mit Lady Saw)
- 2005: för It's My Life (Remix)
- 2005: för Monkey Man (mit Toots & the Maytals)
- MTV Video Music Awards:
- 1997: för Best Group Video (Don’t Speak)
- 2002: för Best Pop & Best Group Video (Hey Baby) (mit Bounty Killer)
- 2004: för Best Pop & Best Group Video (It’s My Life)
- TMF-Awards:
- 1997: Best Rock Group Award
- 1998: Best Rock Group Award
- VH1 Awards:
- 1999: Most Stylish Video Award (New)
- 2000: Most Stylish Video Award (Ex-Girlfriend)
- MTV TRL-Adrian Young:
- 2003: Most Revealing Moment Award
Weblenken
[ännern | Bornkood ännern]- Offizielle Websteed (engelsch)
- No Doubt bi MusikBrainz
- No Doubt bi laut.de
Borns
[ännern | Bornkood ännern]- ↑ http://www.youtube.com/watch?v=BvxqO1rPp_k
- ↑ http://www.musicline.de/de/chartverfolgung_summary/artist/NO+DOUBT/?type=longplay
- ↑ http://austriancharts.at/search.asp?cat=a&search=no+doubt
- ↑ http://swisscharts.com/search.asp?cat=a&search=no+doubt
- ↑ a b http://archive.is/20130102062520/http://www.chartstats.com/artistinfo.php?id=26
- ↑ http://www.billboard.com/#/artist/no-doubt/chart-history/19895?f=305&g=Albums
- ↑ http://www.musicline.de/de/chartverfolgung_summary/artist/NO+DOUBT/single?sort=entry
- ↑ http://austriancharts.at/search.asp?search=no+doubt&cat=s
- ↑ http://swisscharts.com/search.asp?cat=s&search=no+doubt
- ↑ http://www.billboard.com/#/artist/no-doubt/chart-history/19895?sort=timeon