Octavianus Secundus Fugger
![](http://178.128.105.246/content-http-upload.wikimedia.org/wikipedia/commons/thumb/e/e2/OctavianusSecundusFugger.jpg/220px-OctavianusSecundusFugger.jpg)
Octavianus Secundus Fugger (* 17. Januar 1549; † 31. August 1600 in Augsborg) weer en düütsch Hannelsherr ut den Familientwieg Fugger von der Lilie.
Leven
[ännern | Bornkood ännern]Octavianus Secundus Fugger weer en Söhn vun Georg Graf Fugger auf Weißenhorn und Kirchberg (1518–1569) un de sien Ehefru Ursula von Lichtenstein zu Carneid († 1573). He wurr tosommen mit sien Bröer Philipp Eduard dör Petrus Canisius ünnerricht, dornah keemen de Bröers an dat Collegium Germanicum in Rom. 1579 hemm se ut dat Arv vun Christoph Fugger dat Augsborger Jesuitenkolleg Sankt Salvator stift. 1580 wurrn se geschäftlich ut den gemeensamen Fuggerschen Hannel utlööst un sünd söss Johr later neben Matthäus, Paul un Markus Welser in en Hannelskompanie intreeden, de jedes Johr up fiev Scheep Peeper vun Ostindien nah Lissabon bringen un an den spaanschen König verkoopen sull. Dorto wurrn an de indisch Malabarküst fiev Faktoreen för den Ankoop inricht. In den hansisch-nedderlannsch-engelschen Ruum hett man Faktoreen för den Afsatz inricht. Dör den Seekrieg tüschen Spanien-Portugal un England weer de Hannel ständig gefährdet. 1591/92 keem kein een vun de utloopen Scheep nah Lissabon torüch, so dat de Peeperverdrag mit Philipp II. ünner grooten Verlust bald to Enn’ weer.
Octavianus hett um 1585 rum den Komponisten Hans Leo Haßler as Kamerorganisten un Baas vun de Fuggersche Huus- un Karkenmusik nah Augsborg haalt.
Octavianus Secundus Fugger weer siet 1579 mit Maria Jacobäa (1562–1588), en Dochter vun Hans Fugger (1531–1598), verheiraadt. Dat Paar harr dree Söhns un twee Döchter.
He wurr in de Benediktuskapelle vun St. Ulrich in Augsborg bisett.
Familienbiller
[ännern | Bornkood ännern]-
Vader Georg Fugger
-
Moder Ursula von Lichtenstein
-
Bröer Philipp Eduard
-
Sien Ehefru Maria Jacobäa
Literatur
[ännern | Bornkood ännern]- Wolfgang Zorn: Fugger, Octavianus Secundus. In: Neue Deutsche Biographie (NDB). Band 5, Duncker & Humblot, Berlin 1961, ISBN 3-428-00186-9, S. 722 (Digitalisat).
- Mark Häberlein: Die Fugger: Geschichte einer Augsburger Familie (1367–1650). Stuttgart 2006, S. 111ff. ISBN 978-3-17-018472-5