Shampion
Erscheinungsbild
![](http://178.128.105.246/content-http-upload.wikimedia.org/wikipedia/commons/thumb/0/02/Malus-Shampion.jpg/220px-Malus-Shampion.jpg)
Shampion is en Sort vun’n Huusappel (Malus domestica). De Harvstsort is 1960 in Tschechien ut Golden Delicious un Cox Orange krüüzt worrn.
De Boom vun’n Shampion is middelstark. He billt en lockere pyramidenordige Kroon. De Boom vertwiegt goot un billt vele Fruchtspitten. De Büüt is hooch un sett fröh in. Wenn de Büüt to hooch ist, fehlt de Appels aver de Smack. Anfallig is de Shampion sünners för Appelschorf un Füürbrand.
De Frücht warrt faken groot un hebbt en orange bit orange-ro’e Farv. Riep warrt se Enn September bit Anfang Oktober un künnt ok glieks eten warrn. Se hollt sik bit Enn November. Dat Fruchtfleesch is cremeklöört un bannig aromaatsch. De Smack is licht sööt-süürlich. De Appel hett en Negen to Appelstipp.
Literatur
[ännern | Bornkood ännern]- Gerhard Friedrich, Herbert Petzold: Handbuch Obstsorten. Eugen Ulmer Verlag, Stuttgart 2005, S. 144, ISBN 3-8001-4853-6.
- Manfred Fischer (Rutgever): Farbatlas Obstsorten. Eugen Ulmer Verlag, Stuttgart 2003, S. 91, ISBN 3-8001-5547-8.
- Willi Votteler: Verzeichnis der Apfel- und Birnensorten. Obst- und Gartenbauverlag, München 1993, S. 91, ISBN 3-87596-086-6.
Weblenken
[ännern | Bornkood ännern]- Beschrieven vun de Sort op apfel.ch (Hoochdüütsch)