Tappwater
![](http://178.128.105.246/content-http-upload.wikimedia.org/wikipedia/commons/thumb/a/ae/Drinking_water.jpg/220px-Drinking_water.jpg)
Tappwater oder Kraantjewater (ook Leidungswater of Leitungswater) is Water, dat dör Leitungen transporteert warrt en ut de (Water)kraan (ook (Water)tapp) ruutfleten deit. Een Definitschoon finnt sick in de Nedderlandsche Waterleidingwet (up Platt soveel as Wett för't Levern van Water oder Waterleitungswett), en dor in Art 1 Letter a[1]. Dor folgt uut, dat Kraantjewater verschillig Telen hett – it is to’n Drinken, Kaken, Eten to bereden en anner Telen in een Huushoolden of annerswor – en dat it levert warrt van Bedrieven, de Lüüd mit Water versorgt.
För den Transport dör de Piepen warrt dat Water ünner Druck hollen dör Pumpen of Watertoorns. Reguleert warrt de Toföhr an’t Enn dör den Waterkraan. Dor flütt dat Water ruut, wenn een den Kraan updreiht.
Verschillen Sorten Kraanwater
[ännern | Bornkood ännern]Dor sünd verschillen Sorten Kraanwater, de dör sünnere Rohrsystems transporteert warrt. Mehst Lüüd sünd anslaten an‘t Rohrsystem för Drinkwater. Derwegen warrt Kraantjewater, dat dör dat Rohr uut den Tapp ruutkümmt, faken as Synoym för Drinkwater bruukt, sünners wenn een Drinkwater uut den Kraan ünnerscheden wüll van Drinkwater uut de Butallje. Dor sünd ook anner Systems, wor anner Soorten van Water transpoort warrt. To’n Bispiell warrt in anner Lanner för Füürwehrn in sünner Rohrsystems Water levert, dat van minner Qualität is as Drinkwater.
Etymologie
[ännern | Bornkood ännern]Dat Woord Kraantjewater sett sück uut Kraan(tje) en Water tohoop, jüstement so as kraanwater in Nedderlandsch en Afrikaans, Kran(en)wasser in Deelen van Westdüütschland[2], kranvatten in Sweedsch - of as tapwater in Ingelsch, wor een de plattdüütsch Wöörd Tapp en Water kennen kann. Dat Word Leitungswater sett sück uut Leitung en Water tohoop, nettso as Leitungswasser in Düütsch of leidingswater in Nedderlandsch.
Inkelt Nahwiesen
[ännern | Bornkood ännern]- ↑ WET van 6 april 1957, houdende regelen met betrekking tot het toezicht op waterleidingbedrijven en tot de organisatie van de openbare drinkwatervoorziening
- ↑ „Dritte Runde – Wasserhahn“, Atlas zur deutschen Alltagssprache (AdA), Phil.-Hist. Fakultät, Universität Augsburg, 19. Juni 2006