Trefoil
![](http://178.128.105.246/content-http-upload.wikimedia.org/wikipedia/commons/thumb/b/b5/Radioactive.svg/220px-Radioactive.svg.png)
Dat Trefoil (engelsch för „Klever-“ oder „Dreeblatt“; ok: Flögelrad oder Strahlenteken) is en Warnteken, dat Wohrschau bi Radioaktivität oder Ioniseeren Strahlen geven schall. Regelt warrt dat Teken in den ISO-Standard ISO 361.
Klören
[ännern | Bornkood ännern]In’t Johr 1946 weer binnen en lütte Grupp vun Forschers vun de Strahlenlabors an de University of California in Berkeley över en Warnteken afstimmt, dat egent weer bi Radioaktivität. Dat Teken schüll toeerst in Magenta op blauen Grund dorstellt warrn un weer dacht as dree Dreeecken, de sik in de Mitt an jemehr Spitzen drapen schülln. Dat Teken weer later afännert mit en Vullkrink in de Mitt un dree Ringsegmenten vun 60°, de de Strahlenwirkung verdüütlichen schüllt. Dat hett sik denn wiest, dat de blaue Achtergrund nich as Warnteken döögt. Enn vun de 1950er Johren is na eenige Versöken opletzt dat magentaklöörte Teken op gelen Achtergrund vun’t American National Standards Institute normt worrn.
Internatschonal is dat Teken aver in swart op gelen Grund normt worrn (as in’t Bild wiest). Disse internatschonale Faten dröff intwüschen (blangen de US-Faten) ok in de USA bruukt warrn.
-
Fröhe Faten in magenta un blau
-
Trefoil na US-Norm
-
Trefoil na internatschonale Norm
-
Nee tosätzlich Warnteken na ISO 21482
Bruuk
[ännern | Bornkood ännern]Dat Warnteken för Strahlen warrt an afschirmen Fatten för radioaktive Stoffen anbröcht, op radioaktive Stoffen sülvstun op Dören vun Rüüm, woneem radioaktive Stoffen lagert warrt oder Redschoppen, de ioniseeren Strahlen tügen künnt (to’n Bispeel Röntgenapparaten). Wieter warrt dat Trefoil ok an Tüün oder Sparranlagen üm kontamineerte Rebeden un an Bowarken mit radioaktive Stoffen (Lagerhallen, Karnkraftwarken) anbröcht. Un jüst so ok an Fohrtüüch, mit de radioaktive Stoffen transporteert warrt.
Tosätzlich Teken
[ännern | Bornkood ännern]De Internatschonale Atomorganisatschoon hett an’n 15. Februar 2007 bekannt maakt, dat to dat Trefoil-Teken en nee Gefohrenteken dortokriggt, dat na ISO 21482 normt is, un de Gefohr dör de Radioaktivität noch düütlicher maken schall. Dat teemlich abstrakte Trefoil-Teken is sünners vun Kinner in Entwicklungslänner faken nich richtig begrepen worrn – to’n Bispeel harrn welke dacht, dat schüll en Propeller dorstellen.[1] So weer dat to’n Bispeel ok bi den Goiânia-Unfall.
Unicode
[ännern | Bornkood ännern]In’n Unicode steiht dat Trefoil-Teken an Positschoon U+2622: ☢.
Kiek ok
[ännern | Bornkood ännern]Borns
[ännern | Bornkood ännern]- Radiation Warning Symbol (Trefoil) (engelsch)
Weblenken
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- FR vun’n 14. März 2011: Die Geschichte des Atomzeichens (hoochdüütsch)