Ursula Kurz
![](http://178.128.105.246/content-http-upload.wikimedia.org/wikipedia/commons/thumb/5/5c/Ukw.jpg/220px-Ukw.jpg)
Ursula Kurz, geb. Koch (* 25. Januar 1923 in Wittenborg/Mekelnborg-Vörpommern; † 16. Juli 2018) weer en plattdüütsche Lyrikerin. Pseudonym: UKW (Ursula Kurz Wittenburg).
Leven
[ännern | Bornkood ännern]Ursula Kurz hett eerst hör Realschoolafsluss makt un hett denn bi de Stadtverwalten Wittenborg Verwaltungsangestellte leert un bit 1947 ok arbeit. Dornah hett se in de Book- und Papierwarenhandlung vun hör Mann mitarbeit un hör veer Kinner uptrucken. Se weer Baas vun de Arbeitsgemeenschap „Pflege der plattdeutschen Sprache“ an de Wittenborger School un hett apenliche Uptreden van hör Schölers organiseert.
Se sülvst schreev all siet hör eegen Schooltiet Gedichte. Later henn kemen Körtgeschichten un Vertellsels in plattdüütsche Spraak dorto. In hör Warken grippt se Probleme vun de Gegenwart up, beschrifft dat Leven un Tosommenleven vun Minschen un de Natur in’ Wessel vun de Johrstieden. Völ vun hör Gedichte wiest hör Fründschap to Kinner – se schrifft nich blots över, sonnern ok för Kinner. Hör Geschichten sünd dorüm ok in Schoolböker afdruckt. Dormit wurrd de plattdüütsche Literatur ok al an Kinner vermiddelt.
Över 20 Komponisten/Ledermakers hebbt meest 200 vun hör muieste Gedichte vertont un up CD un Höörböker verapenlicht.
För hör Levenswark is se 1998 mit de Johannes-Gillhoff-Pries uttekent wurrn. 1999 kreeg se en Ehrenoorkunn vun de Ministerpräsident vun dat Land Mekelnborg-Vörpommern.
Warken
[ännern | Bornkood ännern]- Heimatbiller (1984 Volksdruckerei Hagenow)
- Heimatleiw (1986 Volksdruckerei Hagenow)
- Heimatkläng’n (1988 Volksdruckerei Hagenow)
- Ollwiewersommer (1990 Volksdruckerei Hagenow)
- DU UN ICK (1994 Eichenverlag Hagenow)
- Plietsch möt’n sin (1998 Hinstorff Verlag Rostock)
- Ick fleut di wat! (2007 Hinstorff Verlag)
Anthologien ü.a. in
[ännern | Bornkood ännern]- Voß und Haas Kalender (Hinstorff Verlag) – siet 1996
- Mecklenburgischer Kirchenkalender (Stock & Stein Verlag/Obotritendruck Schwerin) – siet 1997
- Pampower Liederhefte (Nordwindpress) – 2000 - 2005
Kiek ook bi
[ännern | Bornkood ännern]Weblenken
[ännern | Bornkood ännern]- Ursula Kurz in de Datenbank Die niederdeutsche Literatur (hoogdüütsch)
- Hinstorff Verlag Rostock (Autoren) (hoochdüütsch)