Walter Godefroot
![](http://178.128.105.246/content-http-upload.wikimedia.org/wikipedia/commons/thumb/7/73/Walter_Godefroot.jpg/220px-Walter_Godefroot.jpg)
Walter Godefroot (* 2. Juli 1943 in Gent, Belgien) is en ehmalger belgisch Radrennfohrer un Radsportmanager. To sien aktiv Tiet wunn he tallriek Eendagsrennen un Deelstrecken in’ Spurt, as Radsportmanager wurr he besünners as Sportlicher Leiter vun dat Radsportteam Team Telekom (1992–2005) bekannt.
Loopbahn
[ännern | Bornkood ännern]1964 harr Godefroot sien best Johr bi de Amateure, as he twee Deelstrecken vun de Tour de Tunisie winnen kunn - een dorvan mit dat dormalig Weltrekordstünnmiddel vun 54 km/h. Bi den Olympisch Spelen in Tokio wunn he in dat Straatenrennen den Spurt vun dat Hööftfeld un dormit de Bronzemedaille.
Godefroot weer van 1965 bit 1976 Profi un wunn in disse Tiet ünner anner 10 Deelstrecken bi de Tour de France, mehrere belgisch Klassiker as ok dat Rennen Paris–Roubaix. Mehrfack geev dat bi hüm Unregelmäßigkeiten bi Kontrollen up leistungssteigernde Middel: he hett Dopingtests 1967 bi „Paris–Tours“ un 1974 bi den „La Flèche Wallonne“ verweigert, un wurr 1974 bi de Flannern-Rundfohrt wegen de Innahm vun Ritalin disqualifizeert.[1]
In’ Ansluss an sien Profikarriere weer he bi de Profiteams Ijsboerke, Capri Sonne, Lotto un Weinmann as sportlich Leiter tätig. 1992 wessel he in disse Funktschoon to dat Team Telekom, in de Johren 2004 un 2005 weer he de Team-Manager vun dat in Team T-Mobile umnömmt Radsportteams. Nah de Saison 2005 truck he sück ut den Radrennsport trüch, sien Nahfolger bi T-Mobile wurde Olaf Ludwig.
In’ Juli 2006 keem Walter Godefroot unverwacht in den Profi-Radsport torüch, he sull dat vun’ Dopingschandaal Fuentes stark bedrapen Team Astana as Berader vun de Teamleiden ünnerstütten, um de Neustruktureeren vun dat Team vörantobringen. In’ Juli 2007 hett Astana aber de Tosommenarbeit beend, nahdem mehrere fröher vun Godefroot leit Teamns hüm de Mitweetenschap un Anstiften vun organiseert Doping vörsmeeten harrn.
In’ Mai 2007 wurr Walter Godefroot in de Feernsehsennen Beckmann weer mit Doping in Verbinnen brocht, ut juristisch Grünnen wurrn de entspreken Ütern aber unkenntlich maakt.[2]
Privates
[ännern | Bornkood ännern]Sien Schwager is de Radrennfohrer Arthur Decabooter.
Borns
[ännern | Bornkood ännern]- ↑ Ralf Meutgens: Doping-Szene Deutschland. Heile Welt in Magenta, FAZ.NET 12. April 2005
- ↑ http://www.allesaussersport.de/archiv/2007/05/22/die-ard-tonstorung-namens-godefroot/
Palmarès (Utwahl)
[ännern | Bornkood ännern]- Bordeaux–Paris (1969, 1976)
- Flannern-Rundfohrt (1968, 1978)
- Gent–Wevelgem (1968)
- Lüttich-Bastogne-Lüttich (1967)
- Meesterschap vun Zürich (1970, 1974)
- Paris–Roubaix (1969)
- Scheldeprijs (1969)
- Veer Daag vun Düünkarken (1974)