Harimo
Harimo (Harimau) Rentang fosil: Pleistosen
| |
---|---|
![]() | |
Klasifikasi ilmiah | |
Kingdom: | |
Filum: | |
Kelas: | |
Order: | |
Famili: | |
Genus: | |
Spesies: | P. tigris
|
Nama binomial | |
Panthera tigris Linnaeus, 1758
| |
Subspesies | |
![]() | |
Sinonim | |
Harimo ya'ia da'ö aurifö ma sauri ba gatua simanga nagole, sifakhili ba mao. Ba li Indonesia no la'ila niha faoma fogaoni fanötöi Harimau (Panthera tigris) ya'ia da'ö ngafu moroi ba felidae sebua sauri irugi ma'ökhö, moroi ba genus Panthera. Harimo fabö'ö moroi ba mao ma Singo bunia mola'a-la'a mokhoi-khoi aruzö-ruzö ma'ifu, ba so ma'ifu la'a-la'a safusi ba mbunia. Aurifö da'a, simanga nagole, simanga ungulata simane Böhö faoma Sökha. Harimo, aurifö teritorial sondra'u soliter eluahania mondra'u ö samösa, heŵa'ae simane da'ö, hiza so khöra wa'orudu mongawawa ba nahia sifahatö, ba wangalui ö faoma ba wo zago ono harimo tanöbö'ö. Ono harimo andre fao ba gahe ninania, ofeta dua fakhe wa'ebuania, aefa da'ö, auri samösa ia ba i'iagö nahia nihaogönia samösa. Ba Danö Niha, aurifö sotöi harimo, lö tesöndra, tenga ha ba ginötö iada'a, i'otarai meföna, lö irai so duria wa harimo so ba mbenua ba Danö Niha.
Famalala wogaoni harimo andre, ba li Indonesia ya'ia da'ö asese latötöi faoma Macan nihalö moroi ba li Jawa, hiza ba ginötö iada'a no la'ila niha wa ha sambua ngafu moroi ba gangolifa Panthera pardus faoma fefu subspesiesnia. Heŵa'ae, Leopard mazui Panthera pardus faoma latötöi faoma fehede macan na lanönö fönania ngawua wehede Macan Tutul. Töi harimo tefa'aso moroi ba li Melayu, ni'oguna'ö ba wanötöi Leopard nitötöi faoma Harimau Bintang.
Harimo andre, si'oföna sibai la gambaraini molo'ö famareso fa'atua-tua ma molo'ö ilmiah me döfi si 1758 so zawili ba Anatolia Timur fetaro gaekhula ba ndraso nuo nidanö Sungai Amur. Harimo göi tesöndra ba gahe hili Himalaya ofeta ba Bali ba Kepulauan Sunda. I'otarai abad si-20, ngawawa harimo idugu ara idugu alö wa'oya ofeta ba zi 93% ibörögö taya ba Asia Barat, Asia Tengah, ofeta ba hulo Jawa faoma Bali. Harimo oya auri ba Asia Tenggara, Asia Selatan, faoma Tiongkok. Na iada'a, fa'auri harimo no tola lafalukhaisi ba gatua ba Siberia irugi gatua subtropis faoma tropis ba India, Indocina, faoma ba Indonesia ya'ia da'ö ba hulo Sumatra.
Angolifa ba Nga'ötö Harimo (Taksonomi dan Genetika)
[bulö'ö | bulö’ö kode]Ba ndröfi si 1758, Carl Linnaeus no ifaehagö hewisa wa'auri harimo andre ba mbuku nisurania nibe'enia högö; Systema Naturae ba ifatörö döi faoma fogaoni; Felis tigris.[2] Ba ndröfi si 1929, samösa gere taksonomi Inggris sotöi Reginald Innes Pocock, no ifetaro spesies harimo andre barö ngawawa genus Panthera faoma töi ilmiahnia nikaoni faoma Panthera tigris.[3][4]
Fenaeta Nga'ötö Harimo (Subspesies)
[bulö'ö | bulö’ö kode]So siŵa subspesies harimo sifao ba genus Panthera. Önö ngawalö ba gotaluania, auri irugi ma'ökhö. Tölu subspesies harimo no mu'awa lö sa'ae tesöndra.
Subspesies Sauri Irugi Ma'ökhö
[bulö'ö | bulö’ö kode]- Harimau indocina ma ba li bö'ö lamane (Panthera tigris corbetti) - tesöndra ba gatua soteu ba Malaysia, Kamboja, Republik Rakyat Tiongkok, Laos, Myanmar, Thailand, faoma Vietnam.
- Harimau benggala ma ba li bö'ö lamane (Panthera tigris tigris) - tesöndra ba gatua soteu ba Bangladesh, Bhutan, Republik Rakyat Tiongkok, India, faoma Nepal.
- Harimau tiongkok selatan ma ba li bö'ö lamane (Panthera tigris amoyensis) - tesöndra ba gatua soteu ba Republik Rakyat Tiongkok.
- Harimau siberia ma ba li bö'ö lamane (Panthera tigris altaica) - ma so zanötöi ya'ia faoma fanötöi harimau amur, ussuri, harimau timur laut cina, mazui harimau manchuria. Harimau siberia andre tesöndra ba gatua soteu ba Republik Rakyat Tiongkok, Korea Utara, faoma ba Asia Tengah ba Russia.
- Harimau sumatra ma ba li bö'ö lamane (Panthera tigris sumatrae) - auri ba hulo Sumatra.
- Harimau malaya ma ba li bö'ö lamane (Panthera tigris jacksoni) - auri ba Semenanjung Malaysia.
Sikhala Mboto Harimo (Ciri fisik)
[bulö'ö | bulö’ö kode]Harimo ma asese laŵa'ö ia faoma mao sebua. Fa'ebuania arakhagö fagölö wa'ebuara zingo, hiza harimo andre abölö abua ma'ifu moroi ba zingo. Fabö'ö subspesies harimo so ma'ifu zikhala sifabö'ö, ya'ia da'ö simatuania fa'abua irugi ba zi 180 faoma 320 Kg ba si'alawe fa'abuania ikhamö ba zi 120 faoma 180 kg. Fa'anau mboto zimatua harimo ya'ia da'ö; 2,6 faoma 3,3 meter, si'alawe; ba zi 2,3 faoma 2,75 meter. Ba gotalua subspesies sauri irugi ma'ökhö, harimau sumatra zabölö ide-ide ba harimau siberia zabölö ebua.
La'a-la'a mboto harimo no oi fabö'ö-bö'ö, so zaruzö-ruzö ofeta ba la'a-la'a saitö. Dozi nahia oi fabö'ö la'a-la'ania. hiza i so ba zi 100khoi-khoi ma loreng. Harimau jawa si no taya irugi ma'ökhö, abölö oya nasa la'a-la'ania. Khoi-khoi ba mboto harimo, fagölö ira sidik jari ba niha same'e tandra ba zi sageu harimo. Da'a sitobali dela ba wamareso hezo i'otarai harimo andre. Khoi-khoi ma la'a-la'a mbu harimo sitobali fangöna ba wanaisi udunia.
Harimo ba Indonesia (Harimau sebagai hewan nasional)
[bulö'ö | bulö’ö kode]Harimo ya'ia da'ö sambua gutundru'u so salahini sambua nahia ma ba li Indonesia lamane hewan nasional moroi ba:
- Republik Rakyat Tiongkok (faoma naga ba panda; harimo so salahini sambua nahia)
- Banglades (harimau benggala)
- India (harimau benggala)
- Malaysia (harimau malaya)
- Nepal (harimau benggala)
- Korea Utara (harimau siberia)
- Korea Selatan
- Nazisme (löhadöi sa'ae urifö da'a irugi ma'ökhö) hulö zimane elang hitam
- Uni Soviet (harimau siberia)
Gambara Harimo (Galeri)
[bulö'ö | bulö’ö kode]-
Harimau sumatra
-
Harimau benggala
-
Harimau indocina
-
Harimau tiongkok selatan
-
Harimau siberia
-
Harimau jawa
-
Harimau bali
-
Simalu fakoda sifao Harimo jawa, ahulua nisöndrara me döfi si 1941
-
Harimau malaya
Umbu
[bulö’ö kode]- ↑ Panthera tigris
- ↑ Linnaeus, C. (1758). "Felis tigris". Caroli Linnæi Systema naturæ per regna tria naturæ, secundum classes, ordines, genera, species, cum characteribus, differentiis, synonymis, locis (ba li Latin). Tomus I (edisi ke-decima, reformata). Holmiae: Laurentius Salvius. hlm. 41.
- ↑ Pocock, R. I. (1929). "Tigers". Journal of the Bombay Natural History Society. 33 (3): 505–541.
- ↑ Pocock, R. I. (1939). "Panthera tigris". The Fauna of British India, Including Ceylon and Burma. Mammalia: Volume 1. London: T. Taylor and Francis, Ltd. hlm. 197–210.