Al Hamriyah
Al Hamriyah | |||
by | |||
Land | ![]() | ||
---|---|---|---|
Emirat | Sharjah | ||
Høgd | 0 moh. | ||
Koordinatar | 25°28′51″N 55°29′54″E / 25.48083°N 55.49833°E | ||
![]() Al Hamriyah 25°28′51″N 55°29′54″E / 25.480833333333°N 55.498333333333°E | |||
Wikimedia Commons: Al Hamriyah |
Al Hamriyah er namnet på ein kystbusetnad i Sharjah nord i Ajman i Dei sameinte arabiske emirata. Det er kjend for den populære lagunen med fritidsaktivitetar og lokale fiskarar som fortøyer båtane sine der.
Landsbyen må ikkje forvekslast med Hamriyah hamn, som ligg like sør for byen.
Det er den tradisjonelle heimstaden til familiane frå Darawishah-delen av Al Bu Shamis Na'im.[1] Desse er knytte til det moderne emiratarabiske slektsnamnet Al Shamsi.
Historie
[endre | endre wikiteksten]Al Hamriyah vart ikkje nedteikna av tidlege britiske undersøkingar av kysten her på 1800-talet, og kjempa for sjølvstende seint på 1800-talet fordi herskarane i Sharjah visstnok skal ha forsømd staden og ikkje ha støtta perlefamiliane i byen som ikkje hadde fått betalt for perlene sine.[2]
Sjølv om det aldri formelt vart rekna som eit emirat i Traktatstatane av britane, fekk Hamriyah sjølvstendet sitt hos herskaren av Sharjah, sjeik Khalid bin Saqr Al Qasimi, den 9. august 1923. I brevet frå Khalid bin Saqr, sa han frå seg alle rettar til skatteinntekter frå Hamriyah.
Sjeik Khalid bin Saqr Al Qasimi av Sharjah vart avsett året etter og etterfølgjaren hans, sjeik Sultan bin Saqr Al Qasimi, følgde ikkje opp avtalen. Britane var derimot klare til å respektere Hamriyah som eit eige emirat, og vart berre stoppa av at sjeik Abdulrahman bin Saif vart drepen av nevøen Saif bin Abdullah i april 1931. Det følgde ein periode med kupp og motkupp (som enda med mordet på sonen til sjeik Abdulrahman bin Saif, Humaid bin Abdulrahman) og sjølv om sjølvstendet til Hamriyah igjen vart diskutert i 1937, då oljekonsesjonane vart forhandla fram gjennom Traktatstatane, vart det ingenting av og Hamriyah vart ein del av Sharjah.[1]
Kjelder
[endre | endre wikiteksten]- Denne artikkelen bygger på «Al Hamriyah» frå Wikipedia på engelsk, den 14. oktober 2016.
- Wikipedia på engelsk oppgav desse kjeldene:
- ↑ 1,0 1,1 Heard-Bey, Frauke (1990). From Traktatstatane to Dei sameinte arabiske emirata. Longman. s. 98. ISBN 0582277280.
- ↑ Lorimer, John (1906). Gazetteer of Persiabukta, Oman and Central Arabia. Government of India. s. 760.