Bestefar
![](http://178.128.105.246/content-http-upload.wikimedia.org/wikipedia/commons/thumb/b/b2/The_Favorite_by_Georgios_Iakovidis.jpg/220px-The_Favorite_by_Georgios_Iakovidis.jpg)
Bestefar er ei nemning på ein mannleg besteforelder - faren anten til nokon si mor, morfar, eller far, farfar.
Bestefedrar i kulturen
[endre | endre wikiteksten]I mange kulturar har det vore vanleg å kalla opp gutar etter bestefar sin. Eit barnebarn kan då få delar av eller heile namnet til bestefaren. Den amerikanske presidenten George Herbert Walker Bush er til dømes kalla opp etter morfaren sin, George Herbert Walker.
Skaparguden i den tradisjonelle religionen til det vestafrikanske sererfolket blir mellom anna kalla Kopé Tiatie Cac, 'Gud bestefar'.[1] Eit av namna for den første guden i kinesisk mytologi, Jadekeisaren, er «himmelske bestefar» (天公, Tiān Gōng). I burmesisk folkereligion er Mandalay Bodaw ein av 37 offisielle nat (åndevesen) utforma av kong Anawrahta av Bagan.
I slavisk juletradisjon er Bestefar Frost og barnebarnet hans Snøjenta utbreidd som gåvegjevar.[2] I ukrainsk kultur er det vanleg å setja opp ein kornbunt i huset kalla didukh, 'bestefar', som symboliserer forfedrane.[3]
Sjå òg
[endre | endre wikiteksten]Kjelder
[endre | endre wikiteksten]- ↑ Ndiaye, Ousmane Sémou, "Diversité et unicité sérères : l’exemple de la région de Thiès", Éthiopiques, no. 54, vol. 7, 2e semestre 1991 [1] Arkivert 2020-06-30 ved Wayback Machine.; Éthiopiques, "Issues 55-56", Fondation Léopold Sédar Senghor, (1991), p 124. Oppgjeve av Engelsk Wikipedia.
- ↑ «Ded Moroz and Snyegurochka by Jocelyn and Steve Oborn, 13 Dec 2009». jocelyneandsven.blogspot.com. Henta 26. november 2010.; «Snegurochka: The Snow Maiden in Russian Culture by Kerry Kubilius». About.com. Arkivert frå originalen 24. mars 2017. Henta 26. november 2010.
- ↑ http://www.brama.com/art/christmas.html