Brian McClair
![]() Brian McClair i 2017 | |||
Personleg informasjon | |||
---|---|---|---|
Fullt namn | Brian John McClair | ||
Fødselsdato | 8. desember 1963 (60 år) | ||
Fødestad | Bellshill i Skottland | ||
Høgd | 178 cm | ||
Posisjon | Midtbane, Spiss | ||
Seniorkarriere* | |||
År | Lag | Kampar | (Mål) |
1980-1981 | Aston Villa | 0 | (0) |
1981-1983 | Motherwell | 40 | (15) |
1983-1987 | Celtic | 145 | (99) |
1987-1998 | Manchester United | 355 | (88) |
1998-1999 | Motherwell | 11 | (11) |
Totalt | 551 | (202) | |
Landslag | |||
1986-1993 | Skottland | 30 | (2) |
* Seniorklubbkampar og mål berre telt for nasjonal liga |
Brian John McClair (fødd 8. desember 1963 i Glasgow) er ein britisk-skotsk tidlegare fotballspelar frå Bellshill i Skottland. Han var angrepsspelar på engelske Manchester United i tida 1987-98, ein klubb han vann både ligameisterskap, FA-cupar, Cupvinnarcupen 1991 og Ligacupen 1992 med.
Klubbspel
[endre | endre wikiteksten]McClair spelte på skotske Motherwell FC i to sesongar frå 1981. Frå sommaren 1983 var han Celtic-spelar i fire år. Gjennom desse fire åra skåra han 99 mål på 145 kampar for storklubben frå Glasgow. Med Celtic vart han skotsk cupmeister i 1985 og ligameister i 1986.
Mot 850 000 pund vart McClair sommaren 1987 overført til Manchester United. Saman med Mark Hughes danna han over fleire sesongar eit målkåt spisspar for United. Her var han med om å vinne FA-cupen 1990, Cupvinnarcupen 1991 og ligacupen 1992. Perioden 1993-97 sanka han og klubben fire ligatitlar, og i 1994 vart han FA-cupvinnar for andre gong. Etter å ha hatt fast plass i startoppstillinga i åtte sesongar, måtte McClair frå 1995 for ein stor del nøye seg å vere ein mykje nytta innbytar i Manchester United. Ved sesongslutt våren 1998 fekk han gå fritt til Motherwell, der han spelte hausten 1998.
Landslagsspel
[endre | endre wikiteksten]McClair landslagsdebuterte i november 1986. Han deltok for Skottland i Fotball-EM 1992 i Sverige, der han skåra sitt fyrste landslagsmål då Skottland slo Sovjetunionen 3-0 i Norrköping. Knapt eitt år seinare, den 2. juni 1993, skåra han sitt andre mål for Skottland, i det som vart hans 30. og siste opptreden i landslagsdrakta.
Merittar
[endre | endre wikiteksten]- Vinnar av Cupvinnarcupen: 1991 med Manchester United
- Skotsk cupmeister: 1985 med Celtic FC
- Skotsk ligameister: 1986 med Celtic FC
- Vinnar av FA-cupen: 1990 og 1994 med Manchester United
- Engelsk ligameister: 1993, 1994, 1996 og 1997 med Manchester United
- Vinnar av den engelske ligacupen: 1992 med Manchester United
- Finalist i FA-cupen: 1995 med Manchester United
- Finalist i den engelske ligacupen: 1991 med Manchester United
Kjelder
[endre | endre wikiteksten]- Denne artikkelen bygger på «Brian McClair» frå Wikipedia på engelsk, den 14. januar 2019.