Chongqing
Chóngqìng | |||
重庆 | |||
by | |||
Utsyn over Chongqing.
| |||
Land | ![]() | ||
---|---|---|---|
Del av | Zhongnan | ||
Høgd | 435 m | ||
Areal | 82 403 km² | ||
Folketal | 32 054 159 (2020)[1] | ||
Grunnlagd | 316 f.Kr. | ||
Tidssone | UTC +8 | ||
Postnummer | 4000 00–4099 00 | ||
Retningsnummer | 23 | ||
Bilnummer | A, B, C, F, G, H | ||
![]() Chongqing 29°33′00″N 106°30′25″E / 29.55°N 106.50694444444°E | |||
Wikimedia Commons: Chongqing |
Chongqing (forenkla kinesisk 重庆, tradisjonell kinesisk 重慶, pinyin Chóngqìng, Wade–Giles Ch'úng-ch'ìng) er ein byprovins og ein av dei største byane i Folkerepublikken Kina. Lik Beijing, Shanghai og Tianjin er han direkte underlagt landsstyresmaktene. Inntil 1997 vart Chongqing del av provinsen Sichuan.
Historie
[endre | endre wikiteksten]Frå november 1937 til mai 1946 var Chongqing midlertidig hovudstad i Republikken Kina. Chongqing vart skilt ut frå Sichuan i 1997, og vart då direkte underlagt landsstyresmaktene.
Geografi
[endre | endre wikiteksten]Provinsen Chongqing grensar til Sichuan i vest, Shaanxi i nord, Hunan og Hubei i aust og Guizhou og Yunnan i sør. Han omfattar store delar av det viktige jordbruksområdet Sichuanbassenget, som Chang Jiang renn gjennom. Grunna mykje tåke om hausten har byen fått tilnamnet Tåkehovudstaden.
Innbyggjarar
[endre | endre wikiteksten]Heile provinsen hadde over 31 millionar innbyggjarar i 2007, men sjølve byen Chongqing hadde 6 609 000 i år 2000. Av provinsinnbyggjarane er 94 % han-kinesarar. 1, 75 millionar høyrer til minoritetsfolk. Dei største av minoritetstgruppene i Chongqing er tujiaar (1,13 mill.) og miaoar (ca. 520 000).
Næringsliv
[endre | endre wikiteksten]Byen har eiga hamn ved Chang Jiang, og det er mykje industri og handel i byen. Dei største industrigreinene består av bil- og motorsykkelfabrikkar, båtbyggjerier, kjemisk og petrokjemisk industri, naturgassutvinning, medisinproduksjon, og avansert jern- og stålproduksjon.
På Sichuanbassenget dyrkar ein svært mykje korn, og ris særleg langs elvane. Ein dyrkar òg appelsinar, mandarinar, tobakk og silkeormkokongar (det siste for silkeproduksjon).
Kommunikasjon
[endre | endre wikiteksten]Kommunikasjonen frå Chongqing er god. Det går fleire jarnbanar frå byen, og vegnettverket er godt utbygt. Ein kan fly til alle større byar i Kina frå Chongqing, og elvetransport er mogleg i 400 mil.
Kultur og utdanning
[endre | endre wikiteksten]I Chongqing finst eit universitet frå 1929, ymse høgskular, bibliotek og museum.
I Chongqing sitt Dazu-distrikt finst ei rekkje grotter med steinskulpturar frå 800–1200-talet som står på UNESCO si verdsarvliste.
Styresmakter
[endre | endre wikiteksten]Leiaren for Chongqing sitt lag i Kinas kommunistparti er Chen Min'er, og borgarmeisteren er Tang Liangzhi (2019).
Kjelder
[endre | endre wikiteksten]- «Chongqing» av Cato Næverdal i Store norske leksikon, snl.no.