Domenico Beccafumi
Domenico Beccafumi | |
![]() | |
Statsborgarskap | Italia |
Fødd | 1484 Castelnuovo Berardenga |
Død | |
Yrke | kunstmålar, bilethoggar, grafikar, tresnitt, miniatyrmålar, gravør, grafikar |
Språk | italiensk |
Domenico Beccafumi på Commons |
![](http://178.128.105.246/content-http-upload.wikimedia.org/wikipedia/commons/thumb/e/e8/Domenico_Beccafumi_058.jpg/220px-Domenico_Beccafumi_058.jpg)
Domenico di Giacomo di Pace Beccafumi (1486–18. mai 1551) var ein italiensk bilethoggar og målar. Han vert rekna til manieristane.
Liv og gjerning
[endre | endre wikiteksten]Domenico var fødd i Montaperti ved Siena kring 1486. Som far sin gjekk han i teneste hos adelsmannen Lorenzo Beccafumi, og det var denne adelsmannen som ordna han læreplass hos ein målar i Siena. Etter eit par år i Roma kring 1510 arbeidde Domenico Beccafumi for det meste i Siena, der han måla takhimlingar, altartavler og fresker. Særleg kjend er han for å ha designa golvmosaikken i katedralen i Siena, eit arbeid som han arbeidde med i 30 år og som det tok over hundre år å fullføre. På sine eldre dagar arbeidde Beccafumi mest som skulptør.
Verka hans har ein stil som bygde på samtidige, florentinske verk. Beccafumi var også påverka den eldre målarstilen utvikla i Siena, som Duccio var den fremste representanten for. Sidan etterlikna han Michelangelo, som han studerte i Roma. Jomfrua føder frå ca 1543 er kanskje det mest kjende biletet etter han.
Bakgrunnsstoff
[endre | endre wikiteksten]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/15px-Commons-logo.svg.png)
Kjelder
[endre | endre wikiteksten]- Aschehougs kunsthistorie. Bind 4 Kunstleksikon, 1996
- Denne artikkelen bygger på «Domenico Beccafumi» frå Wikipedia på engelsk, den 21. mars 2012.