Ingrid Espelid Hovig
Ingrid Espelid Hovig | |
![]() | |
Statsborgarskap | Noreg |
Fødd | 3. juni 1924 Askøy kommune |
Død |
3. august 2018 (94 år) |
Yrke | kjøkkensjef, kokk, programleiar, matskribent |
Politisk parti | Venstre |
Ektefelle | Jan Inge Hovig |
Ingrid Espelid Hovig på Commons |
Ingrid Espelid Hovig (fødd 3. juni 1924 på Askøy, daud 3. august 2018)[1] var ein norsk husstellærar, programleiar og forfattar busett i Oslo.
Oppvekst og utdanning
[endre | endre wikiteksten]Ingrid Espelid vaks opp på Kleppestø på Askøy, og var elev ved Bergen Katedralskole frå 1938. Ho tok eksamen ved Statens lærarinneskule i husstell på Stabekk i Bærum i 1950.
Tidleg karriere
[endre | endre wikiteksten]Ingrid Espelid arbeidde deretter som hustellærar og var tilknytt Opplysningskontoret for fisk. Dette innebar mellom anna at ho reiste rundt i talrike norske tettstader og viste folk korleis ein best kunne reinska og laga til fisk.
Fjernsynskjøkkenet
[endre | endre wikiteksten]I 1964 vart ho programsekretær for kosthald, ernæring og forbrukarstoff i NRK. Mest kjend er Ingrid Espelid Hovig som programleiar for Fjernsynskjøkkenet gjennom mange år, ofte i lag med ernæringsekspert Kaare Norum. Espelid Hovig var eitt av dei aller fyrste tv-andleta i Noreg. Ho opptrådte allereie på NRK i 1956 da dei berre hadde prøvesendingar.
Kokebøker
[endre | endre wikiteksten]Hovig gav ut si fyrste kokebok i 1967; Ingrid Espelid ber til bords, med oppskrifter frå Fjernsynskjøkkenet. Sidan har ho skrive eller bidrege i til saman over 50 kokebøker.
Eit utval bøker av Espelid Hovig:
- Ingrid Espelid ber tilbords (1967), Det Norske Samlaget
- Som ein dråpe i sand (1970)
- Bli slank med et smil (1976)
- Gyldendals store kokebok (ny utg. 1979)
- Mine beste kjøkkentips (saman med Hans Jebsen 1980)
- Den rutete kokeboken (1982)
- God mat = god ernæring (saman med Kaare Norum, 1984)
- Velkommen til mitt kjøkken (1985)
- The best of norwegian traditional cuisine (1992)
- Ingrid og kokkene (2000)
Prisar og utmerkingar
[endre | endre wikiteksten]Espelid Hovig har motteke ei rekkje prisar i Noreg og internasjonalt for arbeidet sitt med mat og ernæring, og vart i 1994 utnemnd til riddar av 1. klasse av St. Olavs Orden. I høve 70-årsdagen til Espelid Hovig tok Faglig matråd same år til med utdelinga av Ingrid Espelid Hovigs matkulturpris, som vert tildelt personar som gjer ein særleg stor innsats for å formidla norsk mat og matkultur.
- Karl Evangs pris 1983
- Kringkastingsprisen 1986
- Riddar av 1. klasse av St. Olavs Orden, 1994
- Gullrutens hederspris under Gullruten 1999
Politisk engasjement
[endre | endre wikiteksten]Ingrid Espelid Hovig var medlem av partiet Venstre. Ho stod på 42. plass på Venstre-lista i Oslo ved kommunevalet 2007, ved stortingsvalet 2009 sto ho på 20. plass på Venstre-lista i Oslo og ho sat i lokallagsstyret i Frogner og Majorstuen Venstre.
I 1968-69 deltok ho i Fredskorpset i Uganda.
Familie
[endre | endre wikiteksten]Foreldra til Ingrid Epelid var forretningsføraren og herradsagronomen Ivar Espelid (1880–1946) og lærar Gudrid Eidnes (1883–1959). Inkludert Ingrid hadde dei fem born. Venstre-politikaren Mons Espelid var ein av brørne. Den eldste broren Halldor Espelid vart avretta etter å ha rømd frå krigsfangeleiren Stalag Luft III under den andre verdskrigen. Namna til systrene er Malmfrid og Gunvor.
Ingrid Espelid Hovig var gift med arkitekten Jan Inge Hovig. Ektemannen døydde kort tid etter giftemålet i 1977.
Kjelder
[endre | endre wikiteksten]- Wikipedia på bokmål om Ingrid Espelid Hovig.
- Store Norske Leksikon om Ingrid Espelid Hovig.
- Utdjupande artikkel på snl.no om Espelid Hovig. Forfattar: Henry Notaker.
- Fotnotar
- ↑ Carlsen, Helge (3. august 2018). «Ingrid Espelid Hovig er død». NRK (på norsk bokmål). Henta 3. august 2018.