Karen
- Sjå òg Karen (fleirtyding)
![](http://178.128.105.246/content-http-upload.wikimedia.org/wikipedia/commons/thumb/b/bb/Karen_Jeppe-mindesten.jpg/170px-Karen_Jeppe-mindesten.jpg)
![](http://178.128.105.246/content-http-upload.wikimedia.org/wikipedia/commons/thumb/a/ae/Karen_Marsvin.jpg/170px-Karen_Marsvin.jpg)
Karen er eit personnamn som kan brukast av begge kjønn i ulike samanhengar. I Norden er det best kjend som eit kvinnenamn danna som ei dansk form av Katarina, med tydinga 'rein'. I armensk tradisjon er det eit mannsnamn danna som ei kortform av Karekin.
Karen har norsk namnedag den 2. august. Nærskylde namn er Kaia, Karin og Katrin.
Bruk
[endre | endre wikiteksten]Namnet har lenge vore kjend i Norden. I nyare tid i Noreg var bruken størst i 1880-åra, då over 2,0 % av nyfødde jenter kunne døypast dette. Bruken gjekk nedover framover mot 1960, då han stabiliserte seg på rundt 0,3 %. I 2010 var det 7 273 norske kvinner som heitte Karen.
I Danmark var Karen eit svært populært namn under første halvdelen av 1900-talet. I 2007 heitte 1 % (31&nsbp;973) av danske kvinner Karen. Det er framleis svært mykje brukt på Grønland, der 2 % (501) av kvinner heitte Karen i 2004.
Frå 1940-talet blei Karen også utbreidd i den engelskspråklege verda, og på 1950- og 1960-talet var det blant dei ti mest brukte jentenamna i USA.[1]
Namnet er kjend frå omgrep som karenmesse og karensdag. Innan norsk litteratur kjenner ein det særleg frå novellene «Karen» av Alexander Kielland og «Karens Jul» av Amalie Skram.
Namneberarar
[endre | endre wikiteksten]Kvinner
[endre | endre wikiteksten]![](http://178.128.105.246/content-http-upload.wikimedia.org/wikipedia/commons/thumb/7/7f/Kim_Friele.jpg/220px-Kim_Friele.jpg)
- Karen Mowat (ca. 1630–75), norsk godseigarfrue
- Karen Brahe (1657-1736), dansk boksamlar
- Karen Sundt (1841-1924), norsk forfattar
- Karen Grude Koht (1871–1960), norsk lærar og kvinnesaksforkjempar
- Karen Blixen (1885-1962), dansk forfattar
- Karen Platou (1879-1950), norsk politikar og forretningsdrivande
- Karen Grønn-Hagen (1903-1982), norsk statsråd
- Karen Aabye (1904-1982), dansk forfattar og journalist
- Karen Sogn (1931-2013), norsk politikar
- Karen Randers-Pehrson (f. 1932), norsk skodespelar og sceneinstruktør
- Karen-Christine «Kim» Friele (f. 1935), norsk forfattar og homorettforkjempar
- Karen Armstrong (f. 1944), britisk forfattar
- Karen Fladset (f. 1944), norsk handballspelar og -trenar
- Karen Margrethe Kuvaas (f. 1947), norsk lokalpolitikar og ordførar
- Karen Carpenter (1950-1983), USA-amerikansk musikar (The Carpenters)
- Karen Klim (f. 1951), norsk glasskunstnar
- Karen-Marie Ellefsen (f. 1950), norsk sportsjournalist
- Karen Jo Fields (f. 1973), norskamerikansk artist
Menn
[endre | endre wikiteksten]![](http://178.128.105.246/content-http-upload.wikimedia.org/wikipedia/commons/thumb/c/ce/Asrian_Karen.jpg/170px-Asrian_Karen.jpg)
- Karen Khatsjaturian (f. 1920), armensk-russisk komponist
- Karen Demirtsjyan (1932-1999), armensk politikar
- Karen Sjakhnazarov (f. 1952), russisk filmskapar
- Karen Asrian (1980-2008), armensk sjakkspelar
Kjelder
[endre | endre wikiteksten]- behindthename.com - Karen
- Søk etter norsk namnestatistikk for Karen hjå Statistisk Sentralbyrå
- Denne artikkelen bygger på «Karen» frå Wikipedia på engelsk, den 30. juli 2009.
- Engelsk Wikipedia oppgav kjedlen Davidson, Andrew (2007), Population Statistics for Karen, Raleigh, NC: nameplayground.com
- Delar av denne artikkelen bygger på «Karen (navn)» frå Wikipedia på bokmål, den 23. april 2010.