Khazarar
![](http://178.128.105.246/content-http-upload.wikimedia.org/wikipedia/commons/thumb/a/a9/Chasaren.jpg/220px-Chasaren.jpg)
Khazarar eller khasarar var ei halvnomadisk tyrkisk folkegruppe frå Sentral-Asia som herska over eit større rike frå 600- til 900-talet. På høgda av si makt kontrollerte dei store delar av det som i dag er det sørlege Russland, Vest-Kasakhstan, Aust-Ukraina og store delar av Kaukasus (medrekna Dagestan, Aserbajdsjan, Georgia) og Krim-halvøya.
Khazarriket hadde ei viktig rolle som handelsveg mellom Europa og Asia, og var bufferstat mellom det kristne bysantinske riket og det muslimske omajaderiket. I Khazarriket budde mange jødar, og på 700-talet konverterte khazarherskaren Bulan og fleire adelsfolk til jødedommen. Elles var befolkninga kristen eller muslimsk, medan den opphavleg stammereligionen deira seinare er blitt kjend som tengriisme.
Kjelder
[endre | endre wikiteksten]- Mendelsohn, Oskar. «Khazarer» (14. februar 2009), Store norske leksikon. Henta 24. november 2013.
- Delar av denne artikkelen bygger på «Khazars» frå Wikipedia på engelsk, den 24. november 2013.
![Spire](http://178.128.105.246/content-http-upload.wikimedia.org/wikipedia/commons/thumb/a/af/P_history.png/20px-P_history.png)