Norrtälje
59°45′19.285″N 18°41′45.542″E / 59.75535694°N 18.69598389°E
Norrtälje | |||
by | |||
|
|||
Land | ![]() | ||
---|---|---|---|
Del av | Stockholms län | ||
Areal | 1 092 km² | ||
Folketal | 22 018 (31. desember 2020) | ||
![]() Norrtälje 59°45′29″N 18°42′18″E / 59.75799°N 18.70496°E | |||
Wikimedia Commons: Norrtälje |
![](http://178.128.105.246/content-http-upload.wikimedia.org/wikipedia/commons/thumb/d/dc/Suecia_1-065_%3B_Norrt%C3%A4lje.jpg/220px-Suecia_1-065_%3B_Norrt%C3%A4lje.jpg)
Norrtälje er ein by i Stockholms län i i Uppland i Sverige. Han er administrasjonssentrum i Norrtälje kommun og hadde i 2011 17 725 innbyggjarar.
Byen er eit sentrum for handel og industri. Uthamna Kapellskär har ferjesamband til Åland og Naantali (Nådendal) i Finland. Som hovudby i Roslagen har Norrtälje stor turisttrafikk. I byen ligg Roslagsmuseet. Utanfor byen er det skjergard med fritidshus.
Norrtälje har vore eit handelssentrum frå 1200-talet med stor våpenindustri på 1600- og 1700-talet. Han fekk byrettar av Gustav II Adolf i 1622. Byen blei brend av russarane i 1719. I 1884 blei det oppretta jernbane til Uppsala i vest, via tettstaden Rimbo, som òg fekk stasjonsknutepunkt til Stockholm. Dei to jernbanesambanda blei derimot nedlagt høvesvis på 1960-talet og i 1981.
Byen ligg om lag 68 kilometer nordaust frå Stockholm og 72 kilometer aust frå Uppsala, inst ved Norrtäljeviken, ei to mil lang vik som går i austvestleg retning og munnar ut i Austersjøen. Låge trehus pregar byen enno, endå om det for tida vert bygd mykje nytt. Gatene i midbyen er uregelrette på mellomaldervis; endå er ingen bygg er eldre enn 1719, då russarane brende byen.
Kjelder
[endre | endre wikiteksten]- Denne artikkelen bygger på «Norrtälje» frå Wikipedia på bokmål, den 5. juli 2012.