Samosa
Utsjånad
![](http://178.128.105.246/content-http-upload.wikimedia.org/wikipedia/commons/thumb/3/39/Samoussas.jpg/220px-Samoussas.jpg)
![](http://178.128.105.246/content-http-upload.wikimedia.org/wikipedia/commons/thumb/2/26/Samosa_half-eaten.jpg/220px-Samosa_half-eaten.jpg)
Samosa er ein indisk matrett som består av trekanta frityrsteikte porsjonspaiar med grønsaks- eller kjøtfyll, særleg med potet, lauk og erter.
Samosa er vanlegvis sterkt krydra mat, og ein et gjerne samosaene med chutney eller ketsjup. Retten oppstod truleg i Uttar Pradesh og er no vanleg i India, Pakistan, Burma og nordover til Usbekistan. I tillegg kjenner ein han i andre land med indiske eller pakistanske innvandrarmiljø. Samosa blir i dag mykje nytta som snøggmat eller eit lite mellommåltid.
Rettar frå andre mattradisjonar som samosa kan minna om er tyrkisk børek, sefardisk boreka og askenasisk knish.