Biokemie
Wiktionarie traduktiones del title hir |
---|
Biokemie es li studio del kemie de vivo, ponte inter biologia e kemie kel studia qualim komplexi kemial reaktiones produkte vivo. Es hibrid fake de kemie kel spesialisa in li kemial prosedos in vivanti organismes. Dis artikle diskuse nur teral biokemie. Omni savat formes de vivo sur li Tere es fundat sur karbo e aque. On kreda ke omni presenti formes de vivo ha desense fro li sami komun ansestre. Lus have simili biokemies, even in koses semblanti arbitriari, kom geneti chifre o manualeso de diversi biomolekules. Es non-savat ob alternativi biokemies es posibli o praktikal.
![](http://178.128.105.246/content-http-upload.wikimedia.org/wikipedia/commons/thumb/1/19/Hemoglobin.jpg/200px-Hemoglobin.jpg)
Biokemie trakta li strukture e funktione de selular partes, kom proteines, karbohidrates, lipides, nuklei asides e altri biomolekules. Kemial biologia eme responda a multi biokemial questiones per usant implementes developat in sinteti kemie.
Quankam es vasti nombre de diferanti biomolekules, lusen ordinarim es komposit ek repetit simili subunos (nomat monomeres) ma kun diversi ordines del unos. Chaki klase de biomolekules have diferanti grupe de subunos.
Li biokemie de selular metabolisme e li endokrine-sisteme ha bli investiga extensivim. Altri areas de biokemie inkluse ensime-katalisat reaktiones, li tretes de proteines, li geneti chifra (DNA, RNA), proteine-sintese, selule-membrane-transporto e signale-transduktione.
-
EIF4A1
-
hsp70
General subfakes de biologia |
---|
Anatomia | Astrobiologia | Bioinformatike | Biokemie | Botanike | Ekologia | Developal biologia | Evolutional biologia | Fisiologia | Genetike | Genomike | Homal biologia |Maral biologia | Mikrobiologia | Molekulal biologia | Origine de vivo | Paleontologia | Parasitologia | Selulal biologia | Soologia | Taxonomie |