Dictionnaithe
Apparence
Ch't' articl'ye fut c'menchie en Jèrriais
|
![](http://178.128.105.246/content-http-upload.wikimedia.org/wikipedia/commons/thumb/e/e0/Dictionnaithe_Angliais-J%C3%A8rriais_lanchi_2008.jpg/220px-Dictionnaithe_Angliais-J%C3%A8rriais_lanchi_2008.jpg)
Un dictionnaithe ( dictionnaithe; Cotentinais : dictiounaire) est eune liste dé mots acanté lus définnitions, traductions ou explyicâtions. L'pus souvent les dictionnaithes sont des livres, mais achteu y'a des dictionnaithes êlectronniques, en lîngne ou sus CD.
Un dictionnaithe peut donner l'étymologie et la prononciâtion des mots étout. Des dictionnaithes bilîngues sont faits pouor aîdgi la traduction.
Dé couôteunme les mots dans les dictionnaithes sont areunnés s'lon l'ordre alphabétique.
Un glossaithe est eune manniéthe dé dictionnaithe sîmpl'ye et spécialîsé.
Fanmeurs dictionnaithes
[amendaer | modifier le wikicode]![](http://178.128.105.246/content-http-upload.wikimedia.org/wikipedia/commons/thumb/8/88/Norman_dictionary_1779_Kelham.jpg/220px-Norman_dictionary_1779_Kelham.jpg)
![](http://178.128.105.246/content-http-upload.wikimedia.org/wikipedia/commons/thumb/0/0e/Electric_Dictionary.jpg/220px-Electric_Dictionary.jpg)
- Lé preunmié dictionnaithe alphabétique en Angliais fut publié en 1604, mais l'preunmié grand dictionnaithe d'l'Angliais 'tait l'chein du Docteu Samuel Johnson. L' Oxford English Dictionary n'est pon officiel, mais tch'a eune grande réputâtion. En Améthique, Noah Webster publyit un dictionnaithe Améthitchain en 1806 dans tchi qu'i' sîmplyifyit des mots Angliais à seule fîn d'êtablyi un nouvieau standard Améthitchain d'la manniéthe d'êcrithe.
- Le Dictionnaire de l'Académie française est l'dictionnaithe officiel d'la langue française publié preunmiéthement en 1694 par l'Académie Française.
- L' Dictionnaire Franco-Normand (1870) d'George Métivier r'cordit l'Dgèrnésiais. Épis y'a l' Dictiounnaire Angllais-Guernésiais d'Marie de Garis publié preunmiéthement en 1967.
- Lé Dictionnaire Jersiais-Français par Fraînque Le Maistre fut publié en 1966. Ch'est l'pus grand r'cord du Jèrriais. Lé Dictionnaithe Jèrriais-Angliais par La Sociêté Jèrriaise et Le Don Balleine appathut en 2005. Lé Dictionnaithe Angliais-Jèrriais par Le Don Balleine appathut en 2008.
- En Normaundie continentale, no-z-a eune mouerie dé dictiounnaires gencis pa des auteurs eun miot ethnologues.
- Le Parler Normand en Caux, Bray et Vexin d'Francis Yard, 1998
- Dictionnaire du patois normand (Le Petit Roger) d'Roger Dubos, 1994
- Le Vocabulaire normand du Bocage Domfrontais, 2000-
- Annyi, en 2006, les syins des Amins du Donjoun dé Bricquebec poursuurent le trâva de Marcel Dalarun pouor écrire lé dictiounnaire lé pus counséquent jammais genci.
Lian hors
[amendaer | modifier le wikicode]- Vous pouvez artrouer eun dictionnaire de 3000 mots normaunds en ligne sus le trîge de Magène.
- Dêchèrgiz un vocabulaithe Jèrriais-Angliais d'6500 expressions