Peintuthe
Apparence
Ch't' articl'ye fut c'menchie en Jèrriais
|
![](http://178.128.105.246/content-http-upload.wikimedia.org/wikipedia/commons/thumb/c/c6/GreenPaintBucketRome.jpg/220px-GreenPaintBucketRome.jpg)
La peintuthe ( peintuthe; Guernésiais : pouôinture, couleur) est eune manniéthe dé couleu tch'est faite sèrvi à seule fîn d'couvri eune susfache atout eune couoche tch'est pèrmanente (ou tchi s'garde longtemps assez) quand oulle a stchi. Dé couôteunme, la peintuthe est un litchide mais y'a étout des peintuthes à sprayer.
La peindrie ou peindréthie (Guernésiais : pouônturr'rie) est l'action d'peindre.
La peintuthe est faite sèrvi ofûche à seule fîn d':
- décorer ou faithe des portraits
- protégi (par exempl'ye, du bouais, des muthâles ou la cruque d'un baté)
- c'meunitchi (par exempl'ye, d's êcritchieaux ou la mèrquéthie des rues)
La peintuthe dait cont'nîn d'la couleu et dé tchi à lier la couleu. Nou-s'a fait sèrvi d's oeux pouor lier, épis au Mouoyen Âge l'hielle dé lîn d'vînt d'couôteunme pouor les portraits. Achteu y'a d'la peintuthe acrylique et d'aut's manniéthes dé peintuthe îndustrielle.