Agaton (papa)
![](http://178.128.105.246/content-http-upload.wikimedia.org/wikipedia/commons/1/18/Agatho.jpg)
Agaton (mòrt lo 10 de genier de 681) foguèt lo 79en papa de la Glèisa Catolica Romana dau 26 de junh de 678 au 10 de genier de 681. Succediguèt a Donus (676-678) e foguèt remplaçat per Leon II (681-683).
Originari de Sicília, son pontificat foguèt marcat per una tiera d'afaires importants. Premier, aguèt un ròtle major dins lo corrent dau seisen concili ecumenic (680-681) que condamnèt definitivament l'eretgia monotelista. Gràcias au sostèn pontificau a l'emperaire bizantin qu'aviá reünit aqueu concili, aquò permetèt d'amaisar lei relacions entre leis autoritats religiosas de Constantinòble e de Roma e de resòuvre l'esquisme entraïnat per la crisi monotelista. Puei, Agaton acomencèt de negociacions ambé Constantinòble regardant lei rapòrts de la Cort bizantina ambé leis eleccions papalas. En particular, obtenguèt l'abolicion deis impòsts pagats per lei papas a l'ocasion de son intronizacion.