Ashish
![](http://178.128.105.246/content-http-upload.wikimedia.org/wikipedia/commons/thumb/0/0d/Hashish.jpg/220px-Hashish.jpg)
L′ashish (de l'arabi حشيش hashish, «èrba») es una dròga psicotròpa derivada del cambe (canabis). Se fabrica en desprenent de las flors e de las fuèlhas del cambe las secrecions que lo cobrisson.
D'aspècte solid, ven malleable en calfant. Es de color castanh amb rebats rogencs, negres, verdencs e daurats. Se fuma en pipa, mesclat amb de tabat o de brots de cambe. L'ashish produsís pas un efièch distint del de la marijuana, mas mai potent e potencialament dangierós pels palmons a causa del fach qu'en Euròpa es generalament mesclat amb de tabat, çò qu'implica màger preséncia de quitran pendent la combustion. La consomacion d'ashish a los meteisses efièches que la del cambe. Los efièches requits anan de l'euforia per la desinibicion al sentiment de seguretat. Mas an força efièches indesirables, tan psiquics coma ànsia, paranòia o psicòsi segon la personalitat, que fisics despuèi d'uèlhs roges fins al càncer.