Estrech
![](http://178.128.105.246/content-http-upload.wikimedia.org/wikipedia/commons/thumb/e/ea/Istanbul_and_Bosporus_big.jpg/200px-Istanbul_and_Bosporus_big.jpg)
Un estrech (var. estreit; estret; destrech) es un canal d'aiga que connècta dos còrses d'aiga (de mars, d'oceans o de lacs), e que se tròba entre doas massas de tèrra. Fòrça estrechs an una importància economica e estrategica, que fan partit d'importantas rotas comercialas, e lor revendicacion provoquèt de conflictes internacionals per se n'assegurar lor quita contraròtle.
Entre los estrechs mai importants se tròban lo canal de Panama, que connècta l'ocean Atlantic amb l'ocean Pacific, La Marga que connècta la mar del Nòrd amb l'ocean Atlantic, l'estrech de Gibartar, qu'es lo sol passatge natural entre l'ocean Atlantic e la mar Mediterranèa, lo Bosfòr e los Dardanèls, que fan comunicar la Mediterranèa e la mar Negra o l'estrech de Bering entre Russia e Alaska que fa comunica l'ocean Pacific amb l'ocean Artic.