Illas Shetland dau Sud
![](http://178.128.105.246/content-http-upload.wikimedia.org/wikipedia/commons/0/0c/AntDotMap_Livingston.png)
Leis Illas Shetland dau Sud son un archipèla situat en Antartida a 116 km au nòrd-oèst de la Peninsula Antartida. Constitüit d'onze illas principalas, an un clima relativament doç a respècte dau rèsta dau continent. Au mens 9 volcans actius durant lo Quaternari son estats identificats dins la region. Pasmens, certaneis illas assostan egalament de montanhas classicas. Per exemple, es lo cas dau Mont Foster (2 109 m), la cima pus auta de l'archipèla, que se tròba sus l'Illa Smith.
Istòria
[modificar | Modificar lo còdi]Probablament descubèrtas durant lo sègle XVII per Dirck Gerritsz Pomp e Gabriel de Castilla, l'archipèla foguèt pas clarament identificat fins a la fin deis ans 1810 quand de caçaires descurbiguèron lei colonias de fòcas installadas dins leis illas. Pauc a pauc, la caça baleniera venguèt l'autra activitat majora de la region. En 1908, lei Britanics decidèron d'annexar la region que venguèt una dependéncia deis Illas Malvinas. Pasmens, aquela revendicacion foguèt contestada per Chile en 1940 e per Argentina en 1943. Puei, totei lei revendicacions territòrialas foguèron geladas per lo Tractat d'Antartida. Uei, 16 estacions de recèrca son installadas dins la region.