Laurent Blanc
| ||||
![]() | ||||
Situacion actuala | ||||
Periòde professional | 1983-2003 | |||
Ficha d’identitat | ||||
---|---|---|---|---|
Nacionalitat esportiva | France | |||
Talha | 192cm | |||
Pòst | Libéro | |||
Escais(ses) | Lo president | |||
* Partits jogats e buts marcats dins cada club | ||||
Laurent Blanc, nascut lo 19 de novembre de 1965 a Alès (Gardon), es un fotbolaire internacional Francés d'origina Occitana evoluant al pòst de mièg de terren puèi libéro, vengut entrainaire.
Escaissat lo President, Laurent Blanc es un defensor al perfil plan ofensiu qu'es format a l'origina coma menaire de jòc al Montpellier HSC ont demòra uèch sasons e empòrta la Copa de França en 1990. Evolua puèi al SSC Nàpols, al Nimes Olimpic, a l'AS Sant Estève sens capitada abans de rejónher l'AJ Aussèrra amb la quala empòrta en 1996, lo campionat de França e la Copa de França e que li permet de rejónher lo FC Barcelona ont empòrta la Copa d'Euròpa dels venceires de copa en 1997. Signa a l'Olimpic de Marselha ont es finalista de la Liga Europa en 1999 puèi a l'Inter Milan abans d'acabar sa carrièra a Manchester United sus un títol de campion d'Anglatèrra en 2003.
Venceire del campionat d'Euròpa espèrs 1988 als costats de Bruno Martini, d'Éric Cantona e de Franck Sauzée, ven al mièg de las annadas 90, l'un dels quadres de l'equipa de França e empòrta la Copa del mond 1998 e lo campionat d'Euròpa 2000.
Après sa carrièra de jogaire, perseguís en 2007, una polida carrièra d'entrainaire.