Pirocumulus
![](http://178.128.105.246/content-http-upload.wikimedia.org/wikipedia/commons/thumb/4/4f/Pyrocumulus_Cloud_Station_Fire_082909.jpg/220px-Pyrocumulus_Cloud_Station_Fire_082909.jpg)
Un pirocumulus es un nívol de la familha dei cumulus que pòu se formar au dessüs d'una fònt de calor intensa, generalament un incendi ò una erupcion volcanica. Dins quauquei cas rars, pòu se formar a l'entorn de chaminèias industrialas ò d'una explosion nucleara. Coma leis autrei nívols convectius, sa formacion es lo resultat de la destabilizacion de l'atmosfèra per un corrent d'aire ascendent caud.
Leis efiechs dei pirocumulus son fòrça variables. Lei pirocumulus pus pichons pòdon demenir lo raionament solar dins una zòna e i redurre l'intensitat deis incendis. Lei pus importants pòdon entraïnar de precipitacions e de còps se transformar en pirocumulonimbus. Dins aqueu cas, lo nívol favoriza l'injeccion de particulas dins l'atmosfèra auta, çò que pòu causar de chavanas e de precipitacions negras.