Ronaldinho
Ronaldinho
| |||
---|---|---|---|
![]() | |||
Naissença | 21 de març de 1980 | ||
Pòst | Meiocampista, Atacante | ||
Identificants | |||
BNF | . | ||
SUDOC | . | ||
BNE | . | ||
GND | . | ||
VIAF | . | ||
ISSN | . | ||
ZDB | . | ||
Joconde | . | ||
Mérimée | . | ||
IMDb | . | ||
NOR | . | ||
ISO standard | . | ||
|
Ronaldo de Assis Moreira, conegut en Brasil coma Ronaldinho Gaúcho e en Euròpa simplament coma Ronaldinho, (Porto Alegre, 21 de març de 1980) es un jogaire de fotbòl brasilièr.
Es actualament lo jogaire mai celèbre de l'FC Barcelona e es un dels jogaires mai apreciats pel jovent internacionalament. Foguèt considerat coma melhor jogaire del mond en 2004 e 2005 per la FIFA (Federacion Internacionala de Fotbòl).
Considerat coma un jogaire atipic, Ronaldinho s'es realament impausat en Euròpa coma alièr esquèr, amb sos dribles fòra del comun, sa conducha de bala incredibla e son benaise sus còps francs. Aquelas qualitats li an valgut d'aparéisser dins lo FIFA 100, d'emportar lo prètz del fotbolaire melhor de l'annada FIFA (2004 e 2005), lo Balon d'aur 2005, lo prètz del jogaire melhor FIFPro (2005 e 2006), mas tanben lo balon d'Aur brasilian en 2012. En 2009, es elegit jogaire de la decennia. Ronaldinho es considerat coma l'un dels jogaires melhors de fotbòl brasilian amb Pelé e Ronaldo mas tanben l'un dels mai grands jogaires de totes los tempses.
Es estat adulat pels socios del FC Barcelona, club amb lo qual a emportat mantun títol e a sustot fach un triplat en 2006 en emportant lo campionat d'Espanha, la supercoupe d'Espanha e la Liga dels campions. En 2013, empòrta la Copa Libertadores amb l'Atlético Mineiro que li permet d'aver un palmarés unic al mond.
Sus la scèna internacionala, Ronaldinho es estat un artisan grand de las victòrias de l'equipa nacionala. Pendent la Copa del mond 2002, fa partida del trio d'ataca brasilian, amb Ronaldo e Rivaldo, marcant a eles tres, dotze dels quinze ponches brasilians, e mena l'equipa fins a la victòria finala. Pasmens, pendent la Copa del mond 2006, s'illustra pas pro e es jutjat responsable de la desfacha de cap a França en quart de finala. Una estatua de sèt mètres lo representant es d'autre biais destrucha a Chapecó. Dempuèi, es estat seleccionat pauc de còp e a pas fach partida dels grops per la Copa del mond 2010 e 2014. En tot, a marcat 33 ponches en 97 seleccions.
Levat lo fach d'èsser un jogaire de fotbòl, Ronaldinho a lançat sa pròpria linha de vestit dempuèi mai de 2013 apelat R[ONE] solament en vendas dins lo quartièr de Lorda a Belo Horizonte. S'i pòt crompar de camisas destibats, dels bonets o encara dels capèls. S'es egalament lançat dins la musica en apareissent sus Vai na fé d'Edcity e sus Joga o copo prò alto de DJ Dennis qu'an totes los dos atench mai d'un milion de vistas sus YouTube. Puèi, a tanben lançat dos videojòcs a son efigia nommats Soccer 10 e Ronaldinho Super Dash.
Sens club professional dempuèi 2015, pren oficialament sa retirada lo 16 de genièr de 2018 après aver enchainé mantun contracte de qualques partidas per divèrsas equipas dins lo mond e jogat per una equipa de futsal dins lo campionat indian.
Ligams extèrnes
[modificar | Modificar lo còdi]https://web.archive.org/web/20100306020311/http://www.ronaldinhogaucho.com/